AIS Suja
Hadien ba u Blei u la beh noh ia u Lucifer na bneng, u Lucifer u la kylla long u ksuid bad u soitan. Esekial 28:16-17. Isaiah 14:12-17. U Blei u la beh ia u sha ka jaka bneng kaba ar (second heaven). Na katai ka bneng kaba ar (heavenly realm) u la sat nud sia ha kper Eden. Ha kper Eden u la rung ha u bsein ban leit pynshoi ia ka Im (Eve) namar uta u bsein u long uba kham sian na ki ki mrad baroh. Genesis 3:1. Te uta u soitan Lucifer uba la rung ha u bsein u la ong – Shisha ka long kumta? Ba u Blei u la ong, Phin ym ioh bam na u dieng baroh ha ka kper? Ka Im ka jubab – Na u soh ki dieng ha ka kper baroh ngi ioh ban bam, hynrei u soh uba hapdeng ka kper u Blei u ong phin ym ioh bam na u lymne ktah ia u, ba ioh phin iap noh. Genesis 3:3:2-3. Namar u Blei u tip ba ha kata ka sngi ba phin bam na u un sa pynpeit ia ki khmat jong phi bad phin sa long kum ki blei KIBA TIP IA KABA BHA BAD KABA SNIEW” Genesis 3:5. Te haba kata ka briew ka la iohi ba uta u dieng u la long uba bha ban bam, bad uba itynnad ia ki khmat BAD U DIENG UBA BIT IA KA BAN PYNSTAD, ka la shim bad ka la bam ruh, ka la ai lem ha u tnga; u ruh u la bam. HADIEN KATA LA PYNPEIT IA KI KHMAT JONG KI BAROH ARNGUT, BAD KI LA TIP BA KI LA LONG KIBA LYNGKHUID” Genesis 3:6-7.
U Blei u la dep ong lypa kumne: “Hynrei na u dieng ka jingtip ia kaba bha bad ia kaba sinew men ym ioh bam na u: Naba ha kata ka sngi ba men bam na u, DA KABA IAP MEN IAP SHISHA” Genesis 2:17.
U Adam bad ka Im ki la pynkhein ia ka Adong u Blei, namar ki la bam na u dieng KA JINGTIP IA KABA BHA BAD IA KABA SNIEW. Mynta ki la sngewthuh ia kaba bha bad ia kaba sniew, namar ki tip ruh ba ki la lyngkhuid. Ha ka jingshisha u Adam bad ka Im ki long kiba lui lui ki bym tip ei ei ki long thik kum ki khunlung ha kper Eden. Hynrei dei u soitan Lucifer ha ka dur u bsein uba la pynsniew dur ia ka jinglong lui lui jong ki ia ka jinglong hok ha ki. Kumta ka jingtip ia kaba bha bad ia kaba sniew ka la pynjot noh ia ka Eden, ka kper ka jingsuk.
Tang shu bam na u dieng ka jingtip ia kaba bha bad kaba sniew, u Blei u la tip bad u la iaid ha kper Eden ban kylli ia u Adam – Adam Me don haei? U Adam u la jubab – Nga la iohsngew ia ka jingsawa jong Me ha ka kper, nga te nga la sheptieng, naba nga la lyngkhuid bad nga la buhrieh ialade. Uei ba iathuh ha me ba me la lyngkhuid? Me la bam na u dieng ba Nga la adong ia me? U Adam u la jubab – Kata ka briew ia kaba Me la buh lok bad nga long ma ka kein ba la ai ha nga bad nga la kum bam. U Blei u la kylli pat ia ka Im. Ko Im kaei kane ia kaba pha la leh? Ka Im ka ong – Uta u bsein (soitan) u la shukor ia nga, nga ruh nga la kum bam. U Blei u la bitar ia u bsein u la ong ha u bsein – Namar ba me la leh ia kane, la tim ia me na ki kynja jingri baroh bad na ki kynja mrad ka khyndew, da ka kpoh jong me men par ……. Da ka dew met men bam baroh ki sngi ki rta jong me Genesis 3: 9-14.
U soitan Lucifer u la ioh ban pynkyllon ia ka Eden u Adam bad ka Im. Ki la bam na u dieng ka jingtip ia kaba bha bad kaba sniew. Hadien ba u Blei u la iohi ba u Adam bad ka Im ki la tip ia kaba bha bad kaba sniew u Blei u la ong pat kumne: “Te mynta ba ioh un kner ia la ka kti bad shim ruh na u DIENG KA JINGIM, bad bam bad im junom ruh de, u Trai uba u Blei u la beh noh ia u Adam bad ka Im na ka kper Eden” Genesis 3:22-23.
Lada u soitan Lucifer un ioh ban ialam ia u Adam bad ka Im ban leit bam sa na u dieng ka jingim, ym tip shuh kumno yn long ka pyrthei. Ka mut ba lada u Adam bad ka Im kin ioh ban bam na u DIENG KA JINGIM, ym don jingiap shuh, ki briew kim im beit da ki hajar hajar snem kan ym don shuh ka jingiap te ka pyrthei ruh kan shlei da ki pop ki sang bad ki jingthala kiba shyrkhei. Tang 10 pateng na u Adam ruh, ka jingbymman ki briew ka long kaba shyrkhei. Jin lada ym don jingiap tang ka jingim, kata ka mut u Blei ula pynkut ia kane ka pyrthei naduh mynno. La katta ruh ka jingleh bymman ki briew ka pynbitar ia u Blei. U Blei u iohi na Bneng: “Te u Trai u la iohi ba ka jingleh bymman jong u briew ka la khraw eh ha ka pyrthei ki jingthmu ki jingpyrkhat jong u ki la long bymman ha la ka sngi …….. U Trai u la ong Ngan pyndam noh ia u briew uba Nga la thaw na khmat ka khyndew naduh u briew haduh u mrad ……. Nga kylla kaba mut (babe) ba Nga la thaw ia ki. Hynrei u Noah u la shem ka jingieit isynei hakhmat u Trai ……. Kaba kut ka doh baroh ka la wan hakhmat jong Nga; naba da ki kein la pyndap ia ka pyrthei da ka jingleh jubor bad ha khmih ruh Ngan pynjot noh ia ki lem bad ka khyndew” Genesis 6:1-13.
Ainguh eh ia u Blei, uba la pynstet ban rung ha kper Eden ban kylli na u Adam bad ban beh noh ia ki napoh ka kper Eden ba u Lucifer soitan um ioh lad shuh ban ialam ia ki ha uta u Dieng ka Jingim. Lym kumta ym don shuh ka jingiap jong ki briew hangne ha pyrthei. Kumta u Blei u la pynroi biang ia u briew ha pyrthei bad u la buh ruh ia u pud ba u briew ba la kha na ka briew u long uba khyndiat ki sngi uba dap da ka jynjar” Job 14:1. Ki sngi ki snem jong ngi ki long 70 snem namar ba khlain eh 80 snem” Salm 90:10.
Phi don ban ong eiei?