U Lat ka jylla bad ki khynnah skul

Shillong, 07 Nohprah:
U Lat ka jylla u V. Shanmuganathan ha kane ka sngi Balang u la ialeh kmen lem bad ki khynnah skul ha ka jingialang ba long ha iing sah jongu ha Raj Bhavan ba la pynlong da ka Inner Wheel Club, Shillong.
Ha kane ka jingialang la don lang ka Geeta Sarin, President, Inner Wheel Club of Shillong, ka nongshad ba pawnam ka Sattriya, Dr. Anwesa Mahanta, ki nonghikai bad ki khynnah.Ha ka jingkren jongu, u Lat ka jylla u la kyntu ia ki ban jed ia ka mynsiem jong ka jingshlur ba khlem sheptieng ia ka jingshisha bad ban don ka jingthmu ha ka jingim ban jop.
U la kyntu ruh ia ki ban long kiba beit ha ka jingim, kiba tip sngi khnang ban long kiba jop ha ka jingim jongki ha ka lawei ban wan.
Shwa ia kane, la ioh ruh ia ka jingshad na ka Dr.Anwesa Mahanta kaba pynsngew tynnad ia ki khynnah skul bad kiba don lang ha kane ka jingialang.