U Lamine Yamal, um lah ban ialehkai hadien ka por 8baje mynmiet, ba u dang khynnah than

U Lamine Yamal, u khynnah samla, uba dang dei ban dap 17 snem ka rta, u don mynta 16 snem bad 362 sngi bad u dei u nongialehkai ba khynnah tam ha kane ka jingialehkai Euro bad u dei ruh u nongthep kol, uba khynnah tam ban ioh thep kol, ha ka minit kaba 21 jong ka jingialehkai Semi Final pyrshah ia ka France ha Munich.

Wat la u dei u nongialehkai uba tbit, hynrei ka Spain, kam lah satia ban phah ialehkai pura ia U Yamal, namar ba ha Germany, ka don ka ain jong ki nongbylla, ha kaba kito kiba hapoh 18 snem ka rta, kim bit ban leit trei bylla, hadien ka por 8baje mynmiet bad kumta, lada U Yamal, un ialehkai hadien ka por 11baje mynmiet, kumta ka Spanish Football Association (RFEF), kan shah dain kuna haduh 30,000 euros, namar ba ka pynkhein ia ka ain jong ka Germany.