U kyrtong MDC shimet na Sohra

Shillong,22K’lyngkot:
Hadien ba la shah pynduh tiket ha ka seng Congress, u Bah Rang phlang Khongwet uba ki ju khot ieit u Bah Rang u la shim ia ka rai ban mih madan ha kane ka elek shon MDC 2014 na Sohra Konstitwensi kum u kyr tong shimet. Haba ia kren bad u Rupang u Bah Rang u la ong ba um sngew eiei halor ka jing shah pynduh tiket hynrei un ym kynran dien na ka jingthmu kaba u la thmu ban ia khun beit. “Lashai ngin pynlong ia ka jingialang jong ki riew rangbah ha Sohra na ka bynta ban ia pyrkhat kam” ong u Bah Rang.
Lah ban kdew ba ki don ar ngut ki kyrtong ba la pan tiket na Sohra u Bah Rang bad u Bah Donevan Kharwanlang , hynrei ha kane ka taiew ba la dep ka Congress ka la pynbna tiket sha u Bah Donevan Kharwanlang, u kyrtong uba la iakhun teng ha ka MLA bad MDC elekshon na Sohra.
La ioh jngtip ba ha Shella yn pynbna ia ka kyrteng u kyrtong ha ka 24 tarik myngta u bnai, lah ruh ban kdew ban a katei ka konstitwensi ki don ar ngut ki kyrtong ba pan tiket u Bah Pynthymmaibor Chyne bad u Bah Bantyngshain Rynga.