U kyrtong ka VPP, dei u ar maloi, sangah U MLA ka UDP

Shillong: U MLA ka UDP na Amlarem u bah Lahkmen Rymbui u la ther bad siat pharshi ia kito kiba pyn donkam kyrteng jaitbynriew ban im ja, hynrei don ruh kiba ieid ia ka jaitbynriew da ka kam.

Haba kren ha ka jingialang ha Bakur ka thain Amlarem ban kyrshan ia u kyrtong MP ka Regional Democratic Alliance-RDA u bah Robertjune Kharjahrin, ha ka sngi Palei, u bah Lahkmen u la ong ba bunsien haba ieid, dei ban ieid da ka kam ym ban ieid tang na shyntur. Baroh ki party ki ieid jaitbynriew hynrei dei ban peit ia ka nongrim.

Ula buh jingkylli, kumno ban ieid jaitbynriew haba ka kpoh ka thylli, bad ban ieid ia ka jaitbynriew dei ban kyntiew ia ka imlang sahlang, bad ula ai nuksa, lada ka iew Bakur ka kiew da ki para Khasi, kiwei ki jaitbynriew kim ioh lad.mynshwa ki dkhar suda ba shong dukan ha iew Bakur hynrei da ka jingieid jaitbynriew ki briew ka thain Bakur, mynta la knieh lut ia ki kam jong ki bar jylla.

Ula ong ba ym dei ban shu hylla ban ieid ia ka jaitbynriew, bad don kiba ong ba ieid jaitbynriew, shu kyrshan. U la ong ba u kyrtong jong ka Voice of Party of Party -VPP u dang bam ar maloi namar lada rem un leit hikai biang. Ha ka jingshisha, lada kwah shisha ban shakri paidbah u dei ban iehnoh shwa ia ka kam, kampher lada rem ne jop ruh. Ula ther ruh ia ka jingsahdien ka Nongkrem kaba mihkhmat u President ka VPP ba kam don satia wat tang kawei ruh ka Government Secondary School, hato kata ka dei ka jingieid ri.

Ula ther bad sneng ia ki paidbah ban ym ngeit kulmar ia ki bor kiba pynthohbria ki ban myntoi tang ha ka kyrteng jong ka jaitbynriew.