- [ba bteng]Ka jingialeh pyrshah naka jingbym tylliat bha ka kpoh:— Bunsien ka jingbym tylliat bha ka kpoh ka paw naki jingat kiba mih haka shyntur. Da kaba ktha ia u kwai bad tympew, kan pynthikna iaka jingkoit jingkhiah jong ka kpoh bad iarap pynneh iaka bam hapoh kpoh. Ka iarap kyntiew iaka jingtreikam bha ki bynta ba shapoh jong ka met bad pynduh pyndam iaka jingset kpoh bad ialam sha ka jingkoit jingkhiah jongka met bad kane kan pynlong iaphi kiba koit ba khiah bad kmen.
- Kyntiew iaka bor ban pynleit jingmut haki kam:— Ki jingpule ki kdew shai ba ban bam ia u kwai bad tympew kilah ban iarap kyntiew iaka jingpynleit jingmut haki kam bad pynkhlain iaka bor ruh. Hato phi ju lap balei phi ktha kwai haka por treikam. Kane ka dei namar u kwai u iarap kyntiew ia ka bor ban pynleit jingmut haka kam, khamtam ki nongniah kali haka por miet, kilah ban phikir bad iada naki jingjia aksiden kali, namarkata ban ktha kwai haka por niah kali kan pyllait naka jingshoh samthiah bad pynleit jingmut haki kam. Lada phi hap treikam mynmiet ne da ki bun bun kynta, u kwai u dei u paralok ba iajan tam eh uba iarap pyllait iaphi na ki jingsngewthait ka met bad iatap kyntiew iaka jingpynleit jingmut haki kam.
KATTO KATNE KI JINGSNIEW HABA BAM PALAT IA U KWAI BAD TYMPEW:— Kumba la kdew haneng, baroh ki jait jingbam ki long kiba bha ban bam hynrei ki pynsniew noh tang lada bam palat iaka badei ban bam. Te u kwai bad tympew ruh kilong kiba bha ban bam hynrei ka pynsniew shi katdei eh lada bam palat iaki. Ka jingbam palat ia u kwai bad tympew kalah ban ktah kloi khamtam iaki bynta ba shapoh jongki dkhotmet khamtam iaki tor. Naka jingktha palat ia u kwai, ka lah ban wanrah ia shibun ki jait jingpang khamtam ka jingpang bampong (Cancer) haka shyntur.
Lada ka jingktha kwai palat ka neh da ki bun bun snem, kalah ban ialam sha ka jingshahktah naki jingma jongki jingpang ba har rukom, kum ki jingkylla haka rukom kren, ka kyntiew iaka jingkhih jingmut palat bad kiwei kiwei de. Ki kynthei kiba armet ki dei ban kiar katba lah ban bam kwai namar ka ktah iaki pla khun bad ka ktah shi katdei eh iaka jabieng jongki khun ba dang pun. Na ka bynta katto katne ki briew kiba don jingshitom ha ka met, ban ktha ia u kwai bad tympew haka por shitom ne pang kalah ban pyntlot iaka bor met bad pynhiar iaka Blood Pressure ban kane ka ialam sha ka jingeh ban ring bad pynhiar mynsiem, bad lada ka long kumne, kan bha ban sangeh shisyndon ban bam ia ki. Phi dei ban tip ba u shun uba ju biah lang ha u tympew ban bam kwai, u dei ka daw bah kaba pynmong iaka shyntur, bad kat kum ki stad wadbniah la shem ba u dei ka daw bah kaba pynioh ia ka jingpang bampong ha ki bynta jongka shyntur bad ha ka met ruh.
Phi don ban ong eiei?