U KWAI BAD TYMPEW: Hato ka bha ne ka pynsniew haba ktha ia u kwai?

Kong Linda Kongwang

Baroh ki jait jingbam ki long ki long kiba bha ban bam hynrei ki pynsniew noh tang lada bam palat iaka badei ban bam. Kumjuh ruh u kwai bad u tympew ki long kiba bha ban bam lada phim bam palat ia kaba dei ban bam.

U kwai bad u tympew kidei ki jait jingbam kiba bna nam haka pyrthei bad la ktha daki briew ha satlak ka pyrthei khamtam haka jylla jongngi ha kaba manla uwei pa uwei u briew um lah khlem da ktha shi kyntien haka shisngi. U kwai bad tympew kidon iaka khana kaba jrong ha ri sepngi bad ha Southeast Asia bad haki bynta jongka Pacific Basin.Nangne ka jingmlien ka tyllun naka por sha ka por, ban ktha iaki kadei ka riti dustur kaba don burom bha naka bynta 20-30% jong ka jingbun paid haka pyrthei.

Ha ka riti dustur jongngi ki Khasi, kidon la ka jong ka khana kaba sngewmyllung shikatdei eh kat haduh phin shem ha manla ki iing briew. Hynrei hato u long u ba bha ne u ba sniew ban ktha ha kaba iadei bad ka koit ka khiah jongphi. Hangne ka jingthoh ka pyni la ngi dei ne em ban bam ia u kwai bad kumno ka ktah haba bam palat.

KATTO KATNE KI JINGMYNTOI HABA BAM KWAI BAD TYMPEW

1. Iada naki jingshitom bniat:–– Ka jingpei thliew haki bniat kadei namar ka jingbymlong koit ki bniat naka daw ka jingbam palat iaki jingbam thiang. Nakata ka daw ka jingktha ia u kwai bad tympew haka jaka ki jingbam thiang kan iada naki jingpei thliew ki bniat bad iarap pynduna ia ki jingpang bniat.
2. Iada naka jingtyrkhong ka shyntur:— Ka jingtyrkhong ka shyntur ha kata ka rukom kaba mih na ki jingpang diabetes bad kiwei ki jait jingshitom bad ruh ka jingpaitpnat ki rymmiang shyntur bad ka jingsma shyntur ki mih naka jingtyrkhong palat ka shyntur. Da kaba ktha ia u kwai bad tympew ka shyntur ka pynmih bun ki umbiah, bad kane kan iarap pyllait na kine ki jingeh bad naka jingtyrkhong ka shyntur.
3. Iada naka jingsah dak tngit haki bniat:— Bun ki briew ki sngewsih bad khuslai naka jingstem jongki bniat. Kadei namar ka jingdih palat ia u kophi, ka sha bad kiwei de ki jait jingdih. Ka jingbymlong koit ki bniat ka lah ban ktah da kaba suk iaka jinglong shlur haka longbriew manbriew shimet. Ban iada naka jingsahdak ne naka jingstem ki bniat, ia u kwai dei ban ktha pynlwet bad da shut bha haki bniat bad hadien katto katne por, sait ne kynruh khuid iaka shyntur daka um kaba khuid. Da kaba pynmlien ban leh kumne man la ka por, kan pynioh iaki bniat kiba lieh bad khuid itynnad.
4. Iada naka jingshitom ki dohbniat:— Bun ki briew ki shah ktah naka jingshitom ki dohbniat. Ka ei kaba phi dei ban leh– shet pynthnam ia u kwai haka um bad pyndonkam iakane ka um ban kynruh iaka shyntur. Da kaba leh kumne kan pynduna naka jingshitom ki dohbniat, ki jingprum haki dohbniat bad naka jingpang ki dohbniat. [yn dang bteng]