U kwai ba T.48lak, ki jain ba T.20lak, ioh kurup ki BSF

Shillong:Hadien ka jingpynlong ïa ka jingkhynra lang hapdeng ki pulit ka jylla bad ka kynhun shipai kiba pahara jong ka 43 Bn BSF Meghalaya ki la ïoh ban kurup kumba 24000 KG jong u kwai uba shongdor kumba T. 48 Lak napoh khappud hapdeng ka Bangladesh bad Meghalaya.

Ïa katei ka jingkhynra la leh ha ki thaiñ khappud jong ka Rongra kaba hab hapoh ka South Garo Hills District, ha kaba ïa u kwai ba la pynlang bad lum la theh hajan khappud ka jylla bad la ju rah sha Assam.
Ïa kitei ki kwai ba la kurup la aiti noh sha ka PS – Rongra na ka bynta ban shim ïa ka kam katkum ka aiñ.

Ha kawei ka jingkhynra ki shipai kiba la peitngor bad husiar bha jong ka 04 Bn & 172 Bn BSF Meghalaya ki la kurup ïa ki jaiñ ha shongdor kumba T. 20 lak na thaiñ khappud jong ka East Khasi Hills & East Jaiñtia Hills, kiba la thmu ban khaïi beaiñ sha Ri Bangladesh. Ïa kitei ki tiar, la ioh kurup na ka BOP Umsyiem bad la aiti noh sha ka ophis jong ka custom na ka bynta ki kam katkum ka aiñ.