U ktien jong u Blei!

AIS SUJA

U ktien jong u Blei. Lehse bun ki nongpule kin sngewphylla namar la ong – U KTIEN JONG U BLEI, namar bunsien ngi shait ong- “ka ktien jong u Blei. Te hangne ngin ia kren shaphang uta u ktien jong u Blei. U ktien jong u Blei u dei uta u Jisu Khrist u Trai (Jesus Christ the Lord). Bun bah kim kwah ban tip ban sngew ia uta u ktien jong u Blei ha kane ka pyrthei kaba mynta.

Ka kitab jingpynpaw ka ong kumne: Bad la khot ia ka kyrteng jong u, “U KTIEN JONG U BLEI, (and his name is called, the word of God). Jingpynpaw 19:13.
Haka Gospel u Ioanis la thoh shai kumne: “Ha kaba mynnyngkong, u la don u KTIEN, bad uta u KTIEN u ladon bad u Blei, uta u KTIEN u la long u Blei. U ne u la don ha k aba mynnyngkong bad u Blei. Ioanis 1: 1-2.

Une u ktien (UJisu) u la don naduh mynshwa naduh nyngkong bad ha shwa ban thaw ia ka pyrthei bad ia kiei kiei, u ne u KTIEN u la don lypa bad u Blei, u ta u ktien u long hi u Blei. Kaba mut ba u Blei u kpa u la ai bor (authority and powers) baroh ha uta u Ktien (UJisu). Namar ngi sngewthuh baka ktien u Blei ka la ong – “Da u la long kiei kiei baroh: bad khlem ma u ym shym la long kaei kaei ruh kaba la long. Ioanis 1:3.

U ne u ktien (Jisu) u la trei kam naduh mynnyngkong hi naduh na bneng. Hynrei ka por ka jia ba u Blei u kpa u la I bit ban phah noh ia uta u KTIEN dalade hi sha kane ka pyrthei ha ka ia (age) kaba biang ia uba la kha na ka briew, ia u ba la kha hapoh ka hukum. God sent forth his son, made of woman, made under the Law. Galatia 4:4. La kha ia u ta u ktien (Jisu) mynba ki dang trei kam ki ain u Moses ha kata ka por.

Kumta ka ktien u Blei (bible) ka iathuh ba u ta u KTIEN u la wan long doh long snam sha kane ka pyrthei. “U ta u ktien te u la kynja doh bad u la shongsah hapdeng jong ngi. (The word became flesh). Ioanis 1:4.
U ta u KTIEN ia u ba ki prophet jong u Blei ki la pynbna kylleng, u la dep wan long doh long snam sha ka ne ka pyrthei la 2000 snem tam mynta, uta u KTIEN ne u ba la sleh ne uta u syiem (Messaiah the Prince) u la wan na ka jaid bynriew Jiw ha Israel. U ne u KTIEN da lade hi u la kren u ong – “ka jingpynim ka wan na ki Jiw, Salvation is from the Jews. Ioanis 4:22. Hynrei kaba sngewsih ka long wat lada u la wan long briew naka jaid bynriew Jiw (Israel) pynban kim ngeit bad kim ithuh ia u. Ioanis 1:11.

Naduh na bneng u KTIEN jong u Blei u la wan sha ka pyrthei ha Ri Israel, pynban ki nong Israel kim ithuh ia u, kim ngeit ba u dei uta u ba la phah da u Blei, uta u Messaiah jong ki namar la tap matlah ia ki khmat jong ki da ka niam ka rukom bad ka jinghikai pateng la pateng jong ki Jiw. Ki Jiw ki la mane thala ia u Blei da ki jinghikai bad ki hukum ki briew. Mathaios 15:6.
Haduh mynta bun bah ha ka pyrthei kim ithuh bad kim pdiang ia u Jisu kum uta u KTIEN jong u Blei, namar ki iaid ha ki niam ki rukom kiba pateng la pateng. Ha ka jingshisha u Blei u dei ia baroh hynrei ka pyrthei kam ithuh ia u. Ioanis 1:10.

Nakata kadaw ka ktien u Blei hangne ka ong – “Hynrei kat kiba la pdiang ia u KTIEN ha kita u la ai bor ban long ki KHUN U BLEI, kata ha kiba ngeit ha ka kyrteng jong u. ka kyrteng jong u kadei u Jisu u Nongpynim ka pyrthei. Jesus the salvation of the world, u ba long uta kein u KTIEN JONG U BLEI.