U kpa jongnga, u jew mynsiem bha, haba u iohi, ba nga ia juh iajan bad U Dharmendra, ong ka Hema Malini

Ka actress ba pawnam, ka Hema Malini, ka sei madan, ia ka jing ia ieid jongka bad U Dharmendra bad ha kano ka dur, ba ka sdang ka jing ia ieid ba jylliew sat jongka bad utei u aktor ba pawnam ka bollywood.

Ka Malini, ka iathuh ba u kpa jongka, u ju khanglad bha, ba kan ia kynduh khah khah bad U Dharmendra, wat ha ki por ak phlim ruh, kam ju kwah ba kan pynlut por than bad U Dharmendra.

Haba kren ha ka prokram jong ka Indian Idol 12, ka Malini, ka ong “Ka kmie jongnga lane ka ka niakha jongnga, ki ju bud syndah bha, haba nga leit ak phlim bad ha kiwei ki jingleit, ha kaba leit ring ia ki jingrwai, u kpa jongnga, u ju wan synran lang ia nga. U ju khuslai bha ba manga bad U Dharamji, ngi ia long paralok. Nga kynmaw, ha ka por ba ngi ia leit jingleit da ka kali, u kpa jongnga, u shong ha syndah jongnga bad U Dharmendra ruh um salia satia, u shong lem hi hangtei hajan jongnga” ong ka Malini.
Ka Hema Malini bad U Dharmendra, ki ia ak lang ha ki bun dorjon tylli ki phlim bad kitei ki kynthup ia ka Sholay, Seeta Aur Geeta, Jugnu, Dream Girl, Naya Zamana bad ka Razia Sultan.

Ka Hema Malini, ka ia poi kha bad U Dharmendra ha u snem 1980 bad ha katei ka por, U Dharmendra, ula ia shong bad ka Parkash Kaur bad ka Hema Malini, ka dei ka tnga ba ar jongu.

Ka Hema Malini, ka la ong ruh kham mynshwa “Ha ka minit, ba nga iohi ia U Dharam ji, nga la sngew thikna, ba u dei u briew uba dei na ka bynta jongnga. Nga la rai ruh, ba ngan ia poi kha bad u, tangba ngam dei ban pynthut ia ka jing iadei jongu bad kiwei pat. Ka tnga ba nyngkong jongu, lem bad ki khun heh jongu, kim ju lap satia, ba nga pynthut ha ka jingim jongki. Nga ia poi kha bad u, tangba ngam ju shim noh satia ia ka jing iadei jongu bad ka iing ba nyngkong jongu”ong ka Hema Malini.

Ka Indian Idol 12, ka dei kaba la ju pyni paidbah ha ka Sony TV ha ka por 8baje mynmiet.