Shillong:U Bah BB Lyngdoh bad U Capt Williamson A Sangma, ki la pdiang ia ka Sub State, katba U Bah Hopingstone Lyngdoh, Chief Organiser ka APHLC, lem bad ki 3 hajar ngut, ki dawa beit da ka jylla ba pura, ong U bah Denis Lyngkhoi, uwei na ki shipai jong ka jylla rilum bad uba dei ruh uwei na ki nongbud ba hajan eh jong U bah Hopingstone Lyngdoh.
La iathuh biang, da U bah Denis Lyngkhoi, ba haba ka Indira, ka la kyntait ban ai ia ka jylla ba pura, U bah Hoping, ula shim da ka shuki bad u mut ban tynruh ia ka Indira bad ha katei ka por, U bah BB Lyngdoh, ula patan noh nadien ia U bah Hoping bad u ong “Ka maram te ka maram, kat ia ka Elizabeth, kaba ar jong ka pyrthei, me pynpaw ia ka jingbieit haduh katne?” bad ka dei ruh, ha katei ka jing ia pher janmiet, halor ka jylla ba pura bad ka jylla bym pura, ba U bah Hoping, u sa shah beh noh na ka seng APHLC.
U Bah Lyngkhoi, u iathuh shuh shuh, ba ha ka por, ba ka wan ka Indira ha Shillong, ki paidbah, kiba pynher lama iong, ki ia shlei mam naduh Umdiengpun, ha kaba ki don lai lain, kiba pynher lama iong, ha shi lynter ka surok haduh Madan Kyrkit.
U Bah Lyngkhoi, u iathuh shuh shuh, ba ka dor jong U bah Hoping, ka don ha ka iing dorbar jong ka Assam, ha kaba ula shah shondur lang bad U Chaliha, myntri rangbah jong ka Assam, ha ka por, ba u long MLA naduh na Mawtawar shaduh sha Nongchram, kaba dei baroh kawei ka East Khasi hills.
U Bah Lyngkhoi, uba la ju shah sin ha U bah Hoping, kum u koh De, u dei uwei na kiba la shah kem bad shah set phatok ha Guwahati, ha ki pulit Assam bad u iathuh ba ha katei ka por, kiba shah kem kim don satia kiba na sor, namar ba kiba bun, ki dei ki nongtrei kam sorkar; hynrei, kiba shah kem, ki dei kiba na ki nong kyndong, kum kiba na Nongstoin, na Maram, na Mairang, na Lawsohtun, na Umpling, kiba dei ki nong bylla sngi, ki dei kiba shah kem.
U Bah Denis, u iathuh ba hadien ka jing ialeh ia ka jylla rilum, ula don bynta ruh ban trei na bynta ka seng HSPDP, haba ula ju leit sha Jaintia Hills, sha Ribhoi, sha Nongstoin, sha Lyngngam, sha Mawkyrwat.
U bah Lyngkhoi, uba don mynta 76 snem ka rta, u iathuh shuh shuh ba U bah Hoping, um ju donkam MLA, um ju donkam MDC, um ju donkam Syiem, um ju donkam Sirdar; hynrei ki ia leit hi tang ar ngut bad u. “Ha ka elekshon MP, 1977….., namar ba u duk, ba un ialam ia ki khynnah samla, ki rangbah, kumba leh kiwei kiwei ki MLA, 8ngut, 10ngut; te ma I pat de, I khot tang ia nga, namar lada ia shah jingit ruh ngam salia, ia bam da ki sla dieng, ia bam da ki sohjew, ia bam da ki phan dieng, ia bam da ki phan mluh sha khlaw, kumta”. La iathuh ruh, ba ki paidbah pat, ki ia ap tang ha ka jaka, kaba u dei ban pynlong jingialang paidbah.
La ong biang U bah Denis “Namar u duk, petrol, u shait iarap U Thangkhiew, um don bai petrol, ban theh full kein. 5 litar, haduh 10 litar, te u don pisa na pla. Te u wan iakren, ha kato ka por, u dang samla U bah Just Thangkhiew ….. bad u leit pan shah, um don pisa. Ki Thangkhiew, lada theh 100 litar ruh, ia U ba Hoping ki ai beit, namar ia ka foundation jong ka petrol pump, ki khang ki shnong myn hyndai ban buh hapdeng shnong, u ai permission U bah Hoping, mynba u dang long MLA ia ka Mawlai”.
La ong biang U bah Denis, “Un da leit sha ki nong kyndong, u kontraktor, u wan thep pisa, u DC, u wan thep pisa, u handyman, u wan thep pisa” bad ula ong ba ynda la wan phai, ki sa ia niew ia kitei ki pisa, ha kaba ka jingioh synniang jongu, ha kawei ka jingleit, kam duna ia ka T.2,000 ha katei ka por.
U Bah Hopingstone u dei u briew u ba hok, ba shlur bad ba riew blei, dei na kata ka daw U Blei ruh U pynlong ia u Bah Hoping u briew u ba job (successful) lajan ha man la ki kam ba u thought.
U Bah Hopingstone u dei u briew u ba hok, ba shlur bad ba riew blei, dei na kata ka daw U Blei ruh U pynlong ia u Bah Hoping u briew u ba job (successful) lajan ha man la ki kam ba u thmu.