Haduh mynta, ngim pat tip shai ia ka jinglong jingman jong U Kim Jong-un, u nongialam ka North Korea, hynrei la iathuh ba U Kim, u ju leit jingleit hi marwei lane bad kiba iajan eh bad u, ha ka rel, kaba don da ki tiar ialeh kiba khlain bor bad kaba iaid ha ka jingstet kaba 37 mer ha ka shi kynta.
Katei ka rel, ha ka taiew ba ladep, ka sangeh ha Wonsan bad ki satellite ka US, ki sdang kyrkieh ban wad jingtip ia ka jinglong jingman jong U Kim, ban pynthikna, la u dang im ne u lah iap bad ki don ruh kiba pynthikna ba U Kim, ula iap, namar ba um shym mih pyrthei satia, ha ka 15tarik Iaiong, kaba dei ka sngi kha jong u paieid jongu, U Kim Il-sung.
Mynta ka jingbud dien ia katei ka rel, ka dang iaid stet bha, lyngba ka buit jingstad jong ka Washington bad ka Seoul jong ka South Korea.
Ha katei ka rel, kaba don 20 tylli ki kamra kiba pher, la iathuh ba ki don shibun ki kamra kiba dei ban peit telebishon, ka kam ka dih kaba pahuh, ka jaka shong jingialang pyrkhat kam bad ka kyiad kaba byllai sat katba kwah bad nangta ki don sa ki nongbud kiba da ki kynthei suda kiba bhabriew sat.
U Kim, ula don tnga bad u iashong bad kawei ka nongrwai kaba ih ryndang bha jong katei ka Ri, kaba kyrteng ka Ri Sol-ju ha u snem 2009 bad katei ka duna rta, da hynriew snem ia ka rta jongu. Hynrei la iathuh ba mynta la khyndiat snem, ula iaid da ka rukom im jong u kpa jongu bad kata ka long ban ia thiah bad shibun ki kynthei bad ha ka por ba u sngew donkam.
Kham mynshwa U Kim, ula sangeh noh na katei ka jingiaid kynthei, hadien ba ula shong ha ka shuki jong u kpa jongu ha u snem 2012, hynrei hadien lai snem, ba ula khlad u kpa jongu, la iathuh ba ula sdang biang ia katei ka kam pynbieit kynthei.
Naduh u snem 2015, U Kim, u da phah wad khnang ia ki kynthei kiba jrong rynieng, kiba bhabriew shi katdei bad ia kitei yn da eksamin shwa da ki doktor, ba ki long kiba sott bad bad lada U Kim, ula pdiang bad i hun ia ka met ka phad jongki, yn siew ia ki ha ka dor £1,400, kaba dei ka pisa kaba la heh bha ha North Korea bad hadien kata, kin rung ha ka kynhun, kaba la tip kyrteng ‘Gippeumjo’ bad la ju pyntip ia ki kmie ki kpa, ba kitei ki thei samla bhabriew, ki don ha ka kamram ban trei na bynta ka ri bad ia u nongialam jongka, lane kaba ki ong ‘government mission’.
Ki myntri jong ka sorkar North Korea, haba ki leit ban ia kynduh ia U Kim, ha ka kamra jongu, ki hap ban pyndem ngon ia la ka jong ka khlieh, kat haduh ba kin nym iohi shuh ia ka khmat jong u nongialam jongki bad hangta kin sa pynbeit suki ia la ka met.
Ioh ba u hiding na u corona????