U khynnah, uba dang 11 snem ka rta, u kylla long u nonghikai, na ka bynta ki samla kiba pule BTech bad MTech ha Hyderabad, Andhra Pradesh.
U Mohammed Hassan Ali, u dei ialade u khynnah skul rit, hynrei u ai jinghikai pat ia ki samla kiba pule ha ka Bachelor lane Master Degree.
U Ali, u dei uba dang leit klass 7 bad um ju shim pisa satia, haba u ai jinghikai ia ki samla pule bad u iathuh ba u kwah ban hikai ia ki hajar ngut ki egineer, ha kaba kut jong u snem 2020.
U Ali, u leit skul ialade bad u sngew tynnad ban ialehkai bad ban pule, haduh ka por 6baje janmiet bad hadien ka 6baje u ju ai jinghikai ia kiwei pat. U Ali, uba don 11 snem ka rta, u iathuh ba ula hikai la shisnem mynta bad u ai jinghikai mynta ia 30ngut ki samla kiba pule civil, mechanical bad electrical bad u ju wad jingtip ialade na ka internet, ba un ioh jingshai ban hikai ia kiwei pat.