U khyllung na Paiñkhana u khlaiñ bha

Shillong, 5 Risaw:
U khyllung ba la lap napoh paiñkhana ha ka step lah sngi u blei mynta u la shait la khlaiñ bha bad la sei noh ia u napoh Ganesh Das Hospital da ka tnad kaba peit ia ki khyllung. Haba ia kren bad u Rupang u Medical Superitendent ka Ganesh Das Hospital u Dr.T.R Tariang u la ong ba la sei noh mynhynin ka sngi bad u khyllung u la shait la khlaiñ bha.
Lah ban kdew ba ha ka step lah sngi u blei ha ka por 8 baje la lap ia u khyllung ba dang shu khan a paiñkhana kaba don ha lyndet ka ophis jong ka Atomic Minerals Directorate kaba don ha Umkdait kaba hap hapoh Nongmensong PS.
Ia utei u khyllung la shim da ki pulit ka nongmensong na katei ka paiñkhana bad ki la leit rah sha Ganesh Das Hospital ban phah sumar bad ha katei hi ka sngi ka Meghalaya State Commission for Protection of Child Right ia ka District Child Protection ban leit wut wut sha Ganesh Das.