“U khun jong nga um dei uba tuh ba lute”

Shillong, 30 Naiwieng: Ha ka jingialang ba ki ar seng ka JNC bad HANM ki la pynlong ha Parking Lot ka Addl. Secretariat hadien ba la kut ka jingiaid paidbah, la ai lad ruh ia ka kmie jong uwei na kiba shah siat iap ha ka jingjia ia khih dewiong ha Mookhep ba kan kren sha ki paidbah kiba la wan jingialang. Haba kren ha katei ka jaka ka kong Biang Siangshai, ka kmie U Derestmon Siangshai ka la kren pangnud halor ka jingduh noh jong ka ia u khun uba ka ieit thep mynsiem.
Ka la kren pyrsha ia ki pulit ha kaba ka la ong ba u khun jong ka um shym dei u bat uh ne lute hynrei u la iap ei ha ka jingsha siat ha ki pulit, “U khun jong nga um dei uba tuh ne lute” iam pait dohnud ka kmie u Derestmon Siangshai ha katei ka jingialang ha ka por ba ka kren, “Um shym la lute hynrei ki dei ki pulit hi kiba lute lute pisa, ha Lad Rymbai lada ai shispah ne ar spah kim pat dap ki pulit ki dawa T.500 tyngka shajrong na u paidbah” ka la ong.
Katei ka longkmie ka la pynkut jubor noh ia ki jingkren jong ka namarba kam lah set shuh ia ki ummat kiba tuid bad ka jingpait dohnud jong ka, ha ka jingkren jong ka kala kynthah jur ia ki pulit kiba la siat iap ia u khun jong ka.