Shillong:U khaw, ba la ju khot ka ja, u dei u jait jingbam uba ïaineh ne neh slem hapoh ka Ri India. Lada bam da ka jingadkar, u khaw u long uba Koit ka Khiah.
Hynrei lada ym lah pat ban shet bha u lah ban long ka jingma ïa ka Koit ka Khiah. Lah ruh ban sngewkyndit ban tip ba ka jingwad bniah kaba dangshen la kam ba lada ym shet bha ïa u khaw ka lah ruh ban pynpoi ne ka jingpang Bam pong.
Baroh ki jait jingbam ba la bam ha kine ki sngi kidei kiba dap pura da ki dawai. Khlem da lah ban sngewthuh ba ki jingbam ki rung shapoh ka met manla ka sngi kidei kiba don da kiba bun jait ki dawai, kiba lah ban wanrah jingeh hadien habud. Ki jingbam ba ju sngewtynnat bad bang bha mynta ki por kidei kiba kit lang bad ki dawai kiba lah ban ka daw ïa ka Koit ka Khiah.
Katkum ka jingwad bniah ba la leh da ka Queen’s University Belfast kaba ha ri England, ki dawai longbih kiba mih na ki karkhana bad ki dawai sboh kiba don ha khyndew ki pynlong ka jingma ïa u khaw. Ka lah ruh ban long ka jaka pynlang bih ha kiba bun ki jingjia.
Kiwei pat ki jingwad bniah kiba bun ki la kam ba u khaw u dei u kynja dkhot bad uba pynroi ïa ka jingthaw jingpang bam pong.
Ka lynti kaba dei ban bam ïa u khaw ne ka ja ban ïada na ka jinglong bih ka long bym dei ban sangeh ne kiar noh ïa ka jingsngew bang ne sngewtynnat ban bam ja, hynrei katkum ka jingwad bniah da ka Queen’s University Belfast, ka ïathuh ba ka lynti kaba bha tam ban lait na ki kynja bih na u khaw ka long ban pdem baroh shimied hapoh ka um ha shwa ban shet. Lada la bud ïa kane ka rukom leh ka jingdon jong ka bih ka lah hiar ne duna da 80 per cent.
Phi don ban ong eiei?