U kandidet MDC na Nartiang

Jowai, 29 ‘lyngkot:
U bah Headderson Symblai u la ioh ia ka jingkynrshan kaba pura na ka liang ki kur ki jait jong u kum juh ruh na ka paidbah nongshong shnong ban iakhun ha kane ka MDC Election 2014, kane ka constituency ka kynthup ia ka shnong Nartiang Umladang Constiency District Council.
Ha ka jingiadei bad ka jingialeh MDC u bah Headerson Symbla na kane ka Constituency na ka liang ka kur Symblai ka la kwah ban pynshai paidbah ba na ka liang jong ka kur hi ka la ai ka jingkyrshan bapura ia u bad kum juh na ka liang ki nongjied ia u kyrtong MDC na kane ka constituency mynta u snem kan ai ka jingkyrshan ba pura ia une u rangbah. Ha ka juh ka por ka kur Symblai ka kit bok kit rwiang ia u bah Headerson bad ai ka jingkyrkhu kyrdoh ia u ba un wan ha ka jingjop na ka bynta ban shakri ia ki paidbah ka shnong ka thaw.