U Joe Biden, u dei u dkhot ba shitrhem jong ka Balang Catholic bad kat shaba u leit u deng ia u rosary, ha ki kti jongu bad u da sngewnguh shi katdei, ba ka Balang Catholic, ka la btin lynti ia u, ha ka jingim kaba ula iaid baroh shi katta.
Kumta ha ka 3tarik Naiwieng 2020, kaba dei ka sngi ban jied ia U President ka America, U Biden, u khmih lynti ba ki para ba ngeit katholik, kin kyrshan rad bah ia u, wat la ki la kyrshan ia U Donald Trump, ha u snem 2016.
U Biden, u dei uba smat bha ban leit mass, ha kaba u ju leit man ka Sngi U Blei ha St. Joseph kaba ha Brandywine bad ka dei ruh hajan jong katei ka iingmane, ha kaba ka don ka jaka tep jong ki kmie ki kpa jongu, u khun jongu, uba la khlad noh ha u snem 2015, ka tnga ba nyngkong jongu, ka Neilia bad ka khun kynthei jongu, ka Naomi, kiba la iap noh ha ka jing tyngkhuh kali ha u snem 1972, ha ka por ba ka Neilia lem bad ki lai ngut ki khun, ki leit ban thied dieng Kristmas. Ha katei ka jingjia, ki arngut ki khun shynrang jongu, U Beau bad u Hunter, ki la iap lang ha ka jing tyngkhuh kali.
Hynnin ka step, U Biden bad ka Jill, kaba dei ka kurim ba ar jongu, ki la leit sha katei ka jaka tep. U Biden, u dei uba shit rhem bha, ha ka jingngeit jongu, kum u dkhot ka balang Katholik bad um ju lehrain ban kren ia ka jingngeit niam jongu. Kumta, lada jia ba U Biden, un jop ha kane ka kynti, un dei uba ar na ka kynhun jong ka balang Katholik, ba un long U President jong ka Ri America, hadien jong U John F. Kennedy.
Kiwei ki khubor, ki iathuh ba kat haduh mynta, ki la don 27.7 million ngut ki nong America, kiba la dep thep vote, da ka email lane da kaba leit hi sha ki jaka thep vote jongki, ong ka khubor jong ka US Elections Project jong ka University of Florida.
Baroh arngut ki dei ki Kristan ba shitrhem U Wei U dei U Presbyterian bad U Wei U dei katholik Mano ban jop ki nong American ki sa bishar ia kane ngin sa ia peit.