U Jisu un tei pat ia u Lum seion

AIS SUJA

U Jisu untei pat ia u Lum seion, ka ong ka ktien u Blei. Balei u Jisu untei pat kumta ia u lum seion ha Jerusalem? Kadaw ka long ba hakita ki por jong ka Shitaiew bakhadduh ne ki 7 snem ki jynjar bah haka pyrthei kin ban sawan, ia ka pyrthei (earth) yn pynjot thiaw da ki thma kiba shyrkhei tam bad da ka jingbitar bakhraw jong u Blei ka bympat ju long na myndang long ka pyrthei bad kan ymlong shuh ruh. Mathaios 24:21.

Shisien ka sngi, ka pyrthei (earth) kan sa jot thiaw da ki thma ba shyrkhei tam hadien ba la pynhap noh ia u Soitan Lucifer sha kane ka pyrthei. Jingpynpaw 12:9-12. Kane ka pyrthei kaba mynta kan sa jot thiaw ha ka ding ymdon ba sah kawei ruh ha ka jingbitar u Blei pyrshah ia u soitan, kata kan jia hadien ka jingrongnoh (rapture). Jingpynpaw 6:17, bad hadien ka thma Armageddon. Jingpynpaw 16:12-16/ 17:14/ 19:11-21. Ia kane ka jingshyrkhei la pynbna da kaba ong “LA PYNDEP”. Jingpynpaw 16:17. Kane ka jia hadien ba la kut kita ki 3 snem shiteng ne ki 42 bnai ne 1260 sngi. Daniel 9:27. Namar hadien ki 3 snem shiteng kan wan ka 30 sngi. Daniel 12:11, kiba long ki por ban pynkut ia ki jingshyrkhei ha kane ka pyrthei, bad kan wan pat ka 45 sngi, Daniel 12:12 kaba long ka por ban pynsleh ia u Jisu Khrist ba un synshar ha kane ka pyrthei ha ki 100 snem. Daniel 9:24/ 7:11-14.

Dei ha kane ka por ba u Trai Jisu untei pat ia u Lum seion. Isaiah 2:2. Ka ktien u Blei ka iathuh shai kumne: Te kan long ha ki sngi ba khadduh (end times) ba yn pynskhem ia u lum ka ing u Trai ha kliar ki lum bah bad yn pynkyntiew halor ki lum rit bad ki jaid bynriew kin tuid sha ka. Shibun ki paidlang ruh kin leit bad kin ong- Iangin kiew sha u Lum u Trai, sha ka ing u Blei u Jakob te un hikai ia ngi shaphang ki lynti jong u bad ngin iaid ha ki lynti iaid jong u: Namar na seion kan mih noh ka hukum, bad ka ktien u Trai na Jerusalem…… ka jaidbynriew kan ymrah waitlam shuh ban ialeh ia ka jaidbynriew, lane kin ym hikai ialehthma shuh. Isaiah 2:2-4. Kamut nangne ymdon thma shuh namar u Jisu un wan ban synshar ma u 1000 snem. Ha kata ka por, kin ym pynmynsaw lane pynjot ha u lum ba kyntang (Lum seion) jong nga baroh, namar ka pyrthei; KAN DAP DA KA JINGTIP IA U TRAI KUMBA KI UM KI TAP LIN IA KA DURIAW. Isaiah 11:9.

Kadaw ba u Jisu un pynieng pat ia u Lum seion ka long ba u lajot la pra mynha kata ka por ka jingbitar u Blei mynba u latheh ia ki pliang jingbitar jong u. Jingpynpaw 8:7-12./Jingpynpaw 9:1-21.
Kumta shwa ba u Jisu un synshar, untei pat un shna pat iau lum seion ha Jerusalem. Ha une u juh u lum, u U Jisu un tei pat ia ka temple jong u halor lum Seion. Sekharaiah 6:13./ Esekial 40:47. Bad ha kata ka por ki paidlang u Trai kin ong – IA NGIN KIEW SHA U LUM U TRAI SHA KA ING U BLEI U JAKOB. Isaiah 2:3.

Kata ka por kan jia katba ki snem ki nangiaid, ka pyrthei ka la pynjan sha ki por kiba kut kein bad sha ka por ba yn pynduh noh ia u soitan yn pynduh noh ia ki thma, ong ka ktien u Blei. Isaiah 2:4. Amen.