U Eriksen, ula ioh bor, hadien, ba la ialam sha hospital

U CHRISTIAN ERIKSEN, u don ha ka met kaba koit ba khiah, hadien ba ula kyllon ha madan, hynnin ka janmiet, ha ka por jong ka jing ialehkai Euro Cup, pyrshah ia ka Finland.

U Eriksen (29), ula ioh ia ka CPR, hynrei, ynda la rah na madan, ula shong hi ha ka stretcher bad la ialam ia u sha hospital bad la ai ruh bad ka oxygen.

Katei ka jingjia, kaba kyndit, ka la jia ha shwa ka 13 minit, ban pynkut noh ia ka kylla step jong ka jing ialehkai, kaba dei ha ka Group B.

Hadien katei ka jingjia, la pyn sangeh ia ka jing ialehkai bad kham hadien la pynlong biang, ha kaba ka Finland, ka jop da 1-0 ia ka Denmark.