U Dr Kharlukhi bad uwei u pulit, ki bit corona na U MR

Shillong: U myntri ka tnad ka koit ka khiah u bah Alexander L Hek, u iathuh ba na ki 150 ngut ki High Risk Contact jong u myntri rangbah ka jylla u conrad K Sangma,ki 148 ki long covid negative bad 2 ngut ki long Covid positive.

U bah Hek u la iathuh ba kine ki ba dei ki High risk contact jong u myntri rangbah kiba long Covid positive ki dei u MP ka jylla u Dr WR Kharlukhi bad u wei u pulit security jong u Myntri rangbah.

U bah Hek u la ong ba ka jingwad ia ki briew ki ba iakynduh ia u Dr Kharlukhi ka dang iaid shakhmat.

Haduh mynta ki minister ki ba la shah ktah ha ka khlam Covid -19 ki long u Myntri rangbah u Conrad K Sangma, u James K Sangma, u Sngiawbha Dhar,u Alexander L Hek bad ka Miami Shira.