U Dr Donkupar, kum u nongialam liangpyrshah

Shillong, 17 Jylliew:
U Lamphang jong ka ing Dorbar thawain u A.T Mondal u la ithuh ia u Dr Donkupar Roy (MLA) kum u nongialam ka liang pyrshah ka iing Dorbar Thawain jong ka jylla.
Katkum ka kyrwoh khubor ba la pyllait da u Commissioner Secretary jong ka iing Dorbar Thawain u Bah Andrew Simons, la pynbna ba la thung ia u Dr Donkupar Roy naduh ka 17 tarik mynta u bnai Jylliew.
Kane ka jingthung ia u ka long hadien lai bnai ba la dep ia ka elekshon. Ha kane ka Dorbar mang tyngka ba dang shu dep, u lamphang um pat ithuh satia ia u nongialam pyrshah. Ha ka jingshisha na ki dkhot liang pyrshah kiba kynthup ia ka NPP, UDP bad ki MLA shimet kila thaw ia ka kynhun Meghalaya People Front (MPF) bad ka la jied ia u Dr Donkupar kum u nongialam bad ka la dep phah jingthoh ia u lamphang.