U dkhot ka KHNAM, un long Lyngdoh Sohblei

Shillong, 2 Rymphang:
Ka Khun Hynñiewtrep National Awakening Movement (KHNAM) nyngkong nyngshap ka kwah ban pynpaw ia ka mynsiem kaba kmen halor ka sngi kaba kyrpang jong u Dikon Rimiki Niangti hashuwa ba un shah kyntang kum u Lyngdoh Sohblei hadien ba ba u la jied ia ka kam jong u Blei kum kawei na ka lynti ban shakri ia ka jaitbynriew.
U bah Niangti, ula don mynshwa bad ka KSU bad hadien, ha ka jinglong dkhot jong u ha ka KHNAM bad ka seng, ka don ka jingshaniah kaba skhem ba ka jingim kaba thymmai kaba u Dikon Rimiki u la ioh na ka bor ka jong U Blei khlem pep kan long ruh ka nuksa ia kiwei bad kyntu ruh ia u ba un buh lem ha ki jaitbynriew ia ka jingeh jong ka jaitbynriew kaba ka shem ha manla ka sngi.
Ka KHNAM ka kwah ruh ban pynkynmaw ia ka jaitbynriew Khasi, kaba long kawei na ka jaitbynriew ba riewblei bha. “Ngi ki khasi ngi ngeit ba U Blei u la ai ia ngi ki kyndon ban iarap iangi ban im ka jingim ba pura. Ki kyndon ne ki riti dustur ba ngi ngeit ba ai U Blei ki long ban tipbriew tipblei, ban kamai ia ka hok, ban tiphok tipsot, bad ban tip kur tipkha. Kine ki riti dustur khasi ki la pyniasnoh iangi bad U Blei, ki parabriew bad ruh ka mei mariang” ong ka kyrwoh na U bah Adelbert Nongrum Working President ka KHNAM.