U dei u dkhot, ba la pyndem, kem ki pulit ia u briew lajong, ong ka HNLC

Shillong: Ki pulit ki la kem hynnin ka miet, ia U bah Tenzing Khonglah, ha ka jing iadei bad ka jingbthei bom ha Iew Laitumkhrah, ha ka 10tarik mynta u bnai. La sngewthuh ba U Bah Khonglah, u dei u dkhot ba la pyndem, jong ka seng HNLC.

Ha kawei pat ka khubor, U bah Sainkupar Nongtraw, uba dei U General Secretary jong ka seng, u thoh ha ka peij jongu ha facebook, ba U Bah Khonglah, u dei u dkhot ba la pyndem wait jong ka seng HNLC, kaba mut ba ki pulit ki la ia sngewthuh jingmut, lane ha kawei ka kyntien, ka long ba ki kem ia u briew la jong.

Ha kawei pat ka jingthoh jongu, U bah Nongtraw, u ong ruh ba man ba don kino kino ki jingjia, ki pulit ki kem ia ki briew ba lui lui, da kaba ki phareng, ba ki dei ki briew jong ka HNLC. Ha kawei pat ka liang, U CM bad ki pulit, ki ju kam ba ka HNLC, ka don sa tang 10ngut ki dkhot. Kaba lyngngoh, ka long ba katto phew ngut, ki la kem, hynrei kita ki shiphew ngut, haduh katta ruh kim lut shuh katno katno ruh.