Shillong:Ka nongialam ka All India Mahila Congress (AIMC) ka Sushmita Dev ka la kynther ia u Conrad K Sangma u nongialam ka NPP ba u la shet kylla ia ki paidbah ka Meghalaya da ka jingleit iasnoh lang ha ka kynhun bad ka BJP.
Ka la ther ruh ia u President ka BJP u Amit Shah ba u dei kum u syiem jong ki pisa beain ban thied ia ki paidbah ka Meghalaya.
Haba kren mynta ka sngi ha ka jingwan jongka sha nongbah Shillong, ka Sushmita ka la ong, “Nga isynei ia u Conrad ba u la leit ban iasoh bad ka BJP, ka party kaba pyniapait ia ki jaitbynriew bad pynpra ia ka imlang sahlang”.
“U (Conrad) u la shet kylla ia ki paidbah ka Meghalaya bad ki dei ban ai ka jubab halor kane”, la ong kane ka nongialam ka Congress.
Ka la kynnoh ba ka NPP kam don jingpher ban long kum ka Team B ka BJP kaba ioh lad na ka jingbtin lynti ka NPP ban wan ha kane ka jylla Meghalaya.
Ka la ong ba lada ki paidbah ki jied ia ka NPP, ka mut ba ki jied hi ia ka BJP bad ka RSS bad kin sa babe kylla hadien.