U CM Jha & R S Mooshahary ki la shah rem ha ka elekshon MP

Shillong,16 Jymmang:
U Chanchellor ka skulbah Chandra Mohon Jha University kaba don ha Shillong, uba la shah kem ruh ha kine ki khyndiat sngi ha ki pulit , u la rem ha ka elekshon kaba u la iakhun na Bihar. U Jha u la ia khun na Jhanjharpur Konstitwensi ha bihar, bad u dei u kyrtong shi met, u la long ba hynniew napdeng ki 19 ngut ki kyrtong kiba la aireng ha katei ka konstitwensi bad u la ioh 7192 vote.
U Jha u dei uba la shah thwet ha ki pulit ka Shillong halor ka jingkyn noh ba u la pyniaid be-ain bad die thok ia ki kyrdan Phd sha ki samla pule kiba pule ha katei ka skulbah kaba don ha Laitumkhrah , Shillong. La ujor ia katei da u Lat barim ka jylla u R.S Mooshahary. La kham slem ki pulit ki la thwet ban kem ia u Jha hynrei ki la ioh kem noh ia u shuwa ka elekshon ha ka por ba u dang ialap elekshon kum u kyrtong shimet ha Bihar. U Jha mynta u dang don ha kti ki pulit Meghalaya.
U R.S Mooshahary u Lat barim ka jylla, u la ia khun ha katei ka elekshon MP Lok Sabha na Kokrajhar Konstitwensi ka Assam na ka Trinamool Congress  ha kaba u la shah rem bad ioh tang 17537 vote, napdeng ki hynriew ngut ki kyrtong u la long ba san, u Mooshahary u la shah pynliem ruh ha ka NOTA ha katei ka Konstitwensi.