U CEM, u pyniashrut ia ka ARPA bad ka SKRS:Metbah 

Shillong, 8 Jylliew:
U Chairman ka ARPA u Bah Metbah Lyngdoh u la ther ia u CEM ka KHADC u Bah Pynshngain N Siem uba la pyniashrut ia ka ARPA bad ka SKRS halor ka VAB ka KHADC.
U Bah Lyngdoh u la kren ia kane halor ka jingkren jong u CEM ha ki katto katne ki lad pathai khubor uba la buh jing kylli, la u Lat ka jylla un sngap ia ka ARPA ne ia ka SKRS”.
Ka SKRS ka la kyrshan ban pas ia ka VAB ba thymmai ba la pas da ka PDF katba ka ARPA ka dawa ba dei ban bsuh biang ia ki kyndon ba la weng.
‘Ngam sngewthuh shuh kaei kaba u CEM u kren halor kane. Kane ka kdew shai ba u thmu ban pyniashrut hapdeng ka ARPA bad ka SKRS” la ong u Bah Lyngdoh.
U chairman ka ARPA u la ong ba ka SKRS ka la don ka rynsan ban shakri ia ki paidbah bad kim lah ban don hapoh jongno jongno ne shah synshar ha ki seng sain pyrthei kiba don ha ka Council.
“Ka jingkren jong u CEM ka dei ka jingkren bym pat ih jingmut. Ka dei ka jingpyrshang ban ialam bakla ia ki paidbah” u la  ong.
U Bah Lyngdoh u la ong ka nongrim jong ka ARPA ka long kaba shai ba ki kwah ban bsuh biang ia ki ar tylli ki kyndon ka VAB.