U CEM ka KHADC u dei ban pyndonkam ia u shabuk Kam myntoi ba un iakhun da ka snam, ong u Bah Paul

Shillong, 19 Jymmang:
U working president ka UDP u Bah Paul Lyng doh u la ong ba un iaroh shibun ia ka jingong jong u CEM ka KHADC u Bah Ardent Miller Basaiawmoit ba un aiti ban pynjaw snam ban pyrshah ia ka jingthmu buh ktem ka sorkar jylla ia ka ANVC-B ha Khasi Hills.
Hynrei ha kajuh ka por, u la, “Ha jaka ban pynjaw snam ban iakhun ia kane, nga kwah ban ai jingmut ia u CEM ka KHADC ba un pyndon kam ia u shabuk ne ka bor katkum ba la bynshet ka riti synshar ka ri da kaba khot ia ki khlieh nongsyn shar jong ka West bad ka South West Khasi Hills ban pyrshah ia ka rai jong ka sorkar jylla ban buh ia ka ktem ka ANVC-B”.
Katkum ka jingong jong u Bah Lyngdoh, kane kan long kaba kham bha shibun ban ia kaba iakhun ban jaw um snam da kaba pyndonkam da ki shipai ka HSPDP ban iakhun pyrshah ia ki dkhot ka ANVC-B.
“Ha ka jingshisha, ka KHADC  ka dei ban shim ia ka rai kaba long kawei ban pyrshah ia ka jingthmu jong ka sorkar namar ba kitei ki jaka ki hap hapoh ka jingpeit ka KHADC.  Ka jingiakhun da ka snam kan nym wanrah eiei” la ong u working president ka UDP haba kren sha ki nongthoh khubor hynne ka sngi Nyngkong.
Shwa ia kane, u Bah Basaiawmoit haba pyrshah ia ka jingbuh ktem jong ka ANVC-B, u la ong un nym aili ia ka jingthmu ban knieh noh ia ki jaka Khasi.
Ha kajuh ka por, u la ong ba ka UDP kaba iakynduh dang shen, ka la pyrshah beit ia  ka jingthmu ban buh ia ka ktem seng lehnoh.
“Ngim shah ia ka jingbuh ktem seng lehnoh ha Khasi Hills”, la ong u Bah Lyngdoh.