“U Briew ka Niam”

AIS Suja

U briew jong ka Niam (a man of religious power). Une u briew jong ka niam, um dei u briew jong u Blei. U dei u briew jong u soitan (satanic).

Ka Bible ka ong – “Te u la ang la ka shyntur ban kren bein ia u Blei, ban kren bein ia ka kyrteng jong U, bad ia ka iing kyntang jong u, bad ia kita kiba shong ha Bneng. La ai bor ia u ban ialeh thma ia ki riewkhuid bad ban jop ia ki ……. Te kita kiba shong ha ka khyndew KIN IA MANE IA U ia kiba ki kyrteng jong ki ym shym la thoh ha ka Kitab ka jingim u khun langbrot” Jingpynpaw 13:6-8. Ia une u briew, ka Bible ka khot ruh u briew ka pop a man of sin u khun ka jingjot. 2 Thessaloni 2:3-4. Ia une u briew jong ka niam ne u briew ka pop yn ai jingiarap da u Mradkhlaw (the Beast). “Bad nga la iohi ia uwei pat u mradkhlaw uba wan kiew noh na kata ka khyndew u don ar tylli ki reng ba syriem kum i khun langbrot, u kren kum u Iakjakor (u kren kum u soitan) Jingpynpaw 13:11.

Don kiba ong ba kane ka kyntien KHYNDEW ka ieng na ka bynta ka PALESTINE, bad ba u Khrist lamler u dei u Jentil (the antichrist is a Gentile). U Nongiathuhlypa lamler u ban iarap ia u, u dei u Jiw. Hynrei hangne kam lah ban long ba kata ka KHYNDEW kan dei na PALESTINE, namar uta u Khrist lamler u dei mynta u Russian Jew ne u Jiw nong Russia.

Ka ktien u Blei ka ong pat – “Ba u leh ia ki Dak khyllah bakhaw kat ban pynhiar ia ka ding ne bneng sha ka khyndew hakhmat ki briew” Jingpynpaw 13:13-14. Kaei kaba phylla mynta hangne ka long ba uta u Khrist lamler ne u Nongiathuhlypa lamler u la don ha Israel mynta, ha kaba u la leh shisha ia ki dak khyllah lyngba ka ding bad uta u dei u Yanuka Rav Shlomo Yehuda. Wat sngew kyndit ia kane, namar ki Jiw ha Israel ki la ngeit ha u.
Une u Khrist lamler lane u Messiah lamler (anti messiah) un iaileh shibun ki kam khyllah ban iarap ia u Mradkhlaw. U Khrist lamler un sa hukum ia ki Jiw ba kin thaw DUR (image) ia uta u Mradkhlaw (they should make the image to the Beast)” Jingpynpaw 13:14. Te kam long kaba eh ban thaw dur khamtam ha kane ka juk Science and Technology.

Ban thaw dur biang ia uta u Mradkhlaw uba la iap da ka jingmong ka khlieh da ka waitlam (tiar thma) bad ba la ioh im pynban. Jingpynpaw 13:14, U Mradkhlaw: ka thew ia u briew u nongsynshar ba runar (dictatorship) uba dei u briew jong ka pop. U Nongsynshar ba runar tam uba la pyniap 60 lak tam ki Jiw, u dei u Adolf Hitler. Bad dei tang une napdeng ki nongsynshar ka pyrthei uba la iap da ka jingmong ka khlieh bad u la iap ha ka 30 tarik April 1945 AD ha nongbah Berlin. Kane ka jia haba ki shipai Russia ki la rung hapoh Berlin.

Une u briew ka pop u dei u briew niam uba wan ialade ha ka dur ka niam (niam Jiw). Une u briew ka niam un iarap ia u Mradkhlaw ban ai mynsiem ia ka dur uta u Mradkhlaw, khnang ba kata ka DUR UTA U MRADKHLAW KAN IOH KREN BRIEW. Bad kat ki bym mane ia kata ka DUR YN PYNIAP IA KI” Jingpynpaw 13:15. Une u Mradkhlaw u dei uba la ju long ha u snem 1939 – 1945 AD. Te un sa wan long biang u Mradkhlaw uba ar. “Te ka pyrthei baroh kawei ka sngew phylla ia uta u Mradkhlaw” Jingpynpaw 13:3. Balei ka pyrthei ka sngew phylla?

Namar uta u Mradkhlaw u LA JU LONG. Hynrei UM LONG SHUH. Hynrei mynta U LONG. U la long uba PHRA bad u long na kita ki HYNNIEW. Ka mut ba une u Mradkhlaw uba dei u Adolf Hitler u la ju long u syiem uba Hynniew (Seventh King) un sa long ma u hi uba PHRA (Eight King) Jingpynpaw 17:11.
Kine kiei kiei kim long jngai shuh mynta. Namar u anti Messiah ne u Khrist lamler u la don lypa ha Israel mynta. Kaba khraw tam kan paw tang shu pynieng ia ka Temple Balai (Third Temple) ha Jerusalem. Namar kata – “Suk uta uba pule, uba iohsngew ia kane ka jingiathuhlypa. Kiba sumar ia kiei kiei ba la thoh ha ka. Kata ka ia ka la jan” Jingpynpaw 1:3.