U Boris Johnson, u don ha ka jingshitom kaba jur bha, ong ki doktor

U Boris Johnson, myntri rangbahduh ka England, u don ha ka jingshitom kaba jur, na ka daw jong ka jingpang coronavirus bad mynta, la iathuh ba u don ha ka jingshah sumar ha ka intensive care unit, ha kaba la pyn donkam da ka ventilator bad la ong ba u don ha ka jingshitom kaba jur shibun.

Haduh mynta ka Britain, kam pat don ia uwei pat, uba ki khmih lynti, ban mih bujli ia U Boris Johnson (55), hynrei la iathuh ba U Johnson, ula aiti ia U Dominic Raab, Secretary bar ri, ba un nang pyniaid shakhmat ia ka kam.

Ka dei ha ka 27tarik Lber 2020, ba U Johnson, ula ioh ia katei ka jingpang Covid 19 bad u dei u nongialam ba nyngkong eh jong ka pyrthei, ban ioh ia katei ka jingpang Covid 19.