U Blei, ula thaw ia ka khlam covid bad u la jied ruh ia kiba dei ban iap, ong u myntri

U Chandra Mohan Patowary, myntri ka sorkar Assam, u iathuh ha ki kotkhubor mynta ka sngi, ba ka jingpang khlam covid, ka dei kaba la thaw hi da U Blei bad ula thaw ha ka computer jongu bad u iathuh ba U Blei, ula buh ruh ia ki kyrteng jong kito kiba dei ban iap, na katei ka jingpang khlam covid.

U Patowary, uba dei ruh uwei na ki nongialam ba rangbah jong ka seng BJP, u ong ba ka dei na kane ka daw, ba kito kiba im ha ki rud surok, ki bym ju deng mask, kim shym la ngat satia ia katei ka jingpang khlam corona.