‘U Blei u Kynmaw ia ka Jutang bad u Abraham”

AIS SUJA

Ka la jia te hadien bunsngi, ba la iap uta u syiem ka Ri Egypt; te ki khun Israel ki la ia ud namar kata ka jinglong mraw, bad ki la ia lynniar ruh, bad kata ka jinglynniar jongki, ka la wan kiew sha u Blei namar kata ka jinglong mraw. Bad u Blei u la sngew ia ka jingud jongki, bad u Blei ruh u la kynmaw ia ka jutang jong u bad u Abraham, u Isaak bad u Jacob ruh. Te u Blei ruh u la khmieh isynei ruh ha ki khun Israel, bad u Blei u lah iit ithuh ia ki. Exodus 2:23-25.

Hapdeng ka jingjynjar ki khun Israel hangta ha Ri Egypt, u Blei u la phah ka jingiada ban pyllait noh ia ki haba kila don 430 snem ha Ri Egypt, namar ba u Blei u kynmaw ia ka Jutang jong u hapdeng u Abraham u Isaak bad u Jacob kiba dei ki briew jong u Blei. Hangne ngi iohi ba u Blei um lah ban klet ia ka kular kaba u la kular naka bynta ki khun Israel. Kumta u Blei u la khot noh da u Moses nangta na u lum Horeb ka dewlynnong ba kemding khleming, u Blei u la khot ia u Moses naka ka Law lynnong u ong- ko Moses ko Moses, bad u Moses u ong- Ha khmih manga- Te u Blei u la ong – wat wan hajan shane: to da loit noh ia juti jongme na ki sla kjat, naba kata ka jaka ba men ieng kalong kaba kyntang. Nga long ma nga u Blei u kpa jong me, u Blei u Abraham, u Isaak bad u Jacob. Kumta u Moses u labuh rieh ia la ka khmat namar u sheptieng ban khmih ia u Blei. U Blei la ong- nga la iohi ka jingshitom ki briew jong nga ki Israel kiba don ha Ri Egypt, Nga ioh sngew ia ki jinglynniar jongki. Nga lawan hiar ma nga ban pyllait noh ia ki na ka kti ki nong Egypt ban ialam noh ia ki sha ka Ri babha ba khraw, ka Ri kadud ka ngap; sha ka jaka ki ka naan, ki Hit ki Amor, ki peris, ki Hib bad ki Jebus. Namar kata Ale noh Moses, ngan phah ia me sha u Pharoah ba men ioh ialam noh ia ki briew jongnga ki Israel kein, n aka Ri Egypt. Exodus 3:1-22.

Hangne ngi iohi ia ka jingieit ba shisha u Blei ia ki khun Israel namar u Blei u la dep ban kular ruh ha u Abraham, u Isaak bad u Jacob. U Blei u kular bad u pyndep ruh iakata, “Nga la kren te ngan pyndep ruh ia ka; nga la thmu ngan leh ruh ia ka” Isaiah 46:11. Shisha u Blei lyngba u Moses u la pyllait ia ki Israel na Egypt hakata hi ka sngi ba la dap 430 snem ka jinglong mraw ha Ri Egypt.

Ia ki Israel la pyllait mraw na Ri Egypt da u Blei lyngba u Moses. Ka jinglong mraw bad ka jingpyllait mraw ia ki Israel na Ri Egypt kadei ka jingpynpaw jong u Blei ia ka jinglong mraw jong u briew ha ka pop bad u soitan bad ka jingpyllait maraw ia u briew naka pop bad na u soitan ka long lyngba u khun u Blei, u Jisu khrist kein. Hato ngi la lait mraw ne em? To kylli halade marwei. Ka jingpyllait mraw ia ki Israel na Egypt kam ktah eiei ia ka jingim ba kynja mynsiem jongki, kumta kim nang ban phai sha u Blei da la ka dohnud, kim sngewthuh ia u Blei hynrei tang ia u Moses marwei. Kumta kimtip ban sngewnguh ia u Blei wat haba ki la iohi shibun ki dak bad ki kam phylla ba u Blei u la leh ia ki. Hynrei tang shu jynjar ki la kyrpad Blei haba u Blei u la pyllait kim tip pat ban sngewnguh ia kata. Bun napdeng jongngi ruh ngi long kumta mynta ngi jynjar na kane ka khlam, bun ngi hap ban khot Blei kum ki Israel hynrei ynda u Blei u la pyllait bun pat kin nym iohi ne pdiang ia ki kambah u Blei ngi khot Blei tang haba jynjar khuslai. Bad kane ka pyni ba ngim pher na ki khun Israel, ki bym sngewnguh ia ki kambah ba u Blei u la leh.

Nakata kadaw ka donkam ia ngi wei pa I wei ban long kiba lait mraw bad naka pop bad u soitan khnang ban ngin lah ban iohi ia ki kambah u Blei hapdeng kane ka jingjynjar ba mynta.

Kumba u Blei u kynmaw ia ka jutang hapdeng u Abraham u Isaak bad u Jacob, U Blei u kynmaw ruh ia ka jutang kaba mynta aiu kaba ngi la dep ban iakut bad u Blei. U Blei um klet u kynmaw iakane ka pateng kaba mynta ruh bad u Kular ban pyllait iaki briew na ki shibun ki jingeh, kumba u la kular ha u Abraham, u Kular ruh lyngba da u Jisu Khrist. Amen!