U Blei U isynei ia baroh

AIS SUJA

Ngi tip ba u Blei u long uba dap da ka jingieit bad jingisynei. Nakata ka daw u laphah sha kane ka pyrthei ia la u khun ba tang marwei jong u, u Jisu Khrist kein. Ioanis 3:16. Haba u laphah ia la u khun ban pynim ia ka pyrthei, ka pyrthei pat ka kyntait ia u. “U la long ha ka pyrthei ka pyrthei kala long da u, pynban ka pyrthei kan shym la ithuh ia u. U la wan sha kiei kiei la ki jong kita kiba dei la ki jong kim shym pdiang ia u. Ioanis 1:10-11. U lawan sha la ki jong (ki jiw) ha Israel hynrei ki Israel ki kyntait ia u haduh ka jingiap halor diengphna.

Mynba u Khun u Blei u la wan sha ka pyrthei, u la long kynja doh. U ta khun, udei uta u ktien. Uta u ktien te u la kynja doh bad u la shongsah hapoh jongngi. Ioanis 1:4. Kamut ba u u ktien ne u khun u Blei u la don ha ka pyrthei hynrei ka pyrthei kam ithuh ia u. u Khun u Blei u long u jingshai hynrei ki briew ki ieit pat ia ka jingdum. Kane te kalong ka jingpynrem, baka Jingshai ka lawan sha ka pyrthei bad ki briew ki iaieit khamtam ia ka jingdum ban iakata ka jingshai; Naba ki la ong bymman ki jingleh jongki. Ioanis 3:19.

Ki jiw ne Israel ki ladei ban ioh shynshar ia ka pythei Jentil baroh kawei, hynrei na kidaw ka jingbymngeit ki laduh noh ia kalad ban long ki Lyngdoh ha u Blei. “kumta ka jingeh ka lajia long haduh shiteng shiliang na ki Israel, tad ynda ba kata ka jingdap jong ki Jentil (hima pyrthei) kan da ioh wan hapoh, Ynda kumta te yn pynim ia ki Israel baroh, kumba la thoh: U Nongpyllait noh unwan mih noh na seion bad un pynphai ia ka jingbynriew blei na u Jakob. Rome 11:25-26. Ong u Blei- “kane kalong ka Jutang jong nga ha ki (Israel) YNDA NGAN KIT NOH IA KA POP JONGKI kamut hangne, haba la kut noh ki ia ki por jong ki Jentil (ki hima pyrthei jaid bynriew baroh), kan poi ka por ba u Blei lyngba u khun jong u, u Jisu Khrist un wan mih noh na seion (Jerusalem) un kit pat ia ki pop ki Israel, bad kata ka dei ka jutang u Blei hapdeng ki Israel. “Namar kita ki jingai ei bad kata ka jingkhot u Blei, ki long ba khlem jingkylla bamut. Rome 11:29.

Mynta hi hakane ka pateng bynriew ngi iohi ba u Blei u la pyndep shibun ki jingkular halor ka jaid bynriew Jiw ne halor ki Israel. U la lum pat ia ki sha la ka Ri, u la pynshong pat ia ki u la pynlong kyrhai ia ki ha ki liang baroh. Naduh u 1948 A.D haduh kane ka sngi, ki Israel ki la nang man bun bad roi sted ha ki liang baroh. Ka Israel ka la ioh mynta ia ka nam “super power” napdeng ki Ri ki hima Jentil mynta. Kamut baka Israel kala biang wat haduh ki jingstad science bad Technology kajuk mynta. Kala biang ki shipai bad ki tiar thma ban ialeh thma namar u Blei u la dep kren da kaba ong “Pha long u sdie ia pom bad ki atiar ialeh thma jong nga, da pha ngan pynlwet ia ki jaid bynriew (himaJentil) da pha ngan pynjot ia ki hima. Jeremaiah 51:20-23. Haba ngi peit ia kine kiei kiei ngi iohi shisha “baka jingdap ki jentil ka la wan hapoh, ba yn pynim pat ia ki Israel baroh. Rome 11:25. U Blei u la ong ha ki Jentil – “Namar kumba maphi (Jentil) ruh mynno mynno ruh phi la ju long ki bym kohnguh ia u Blei hynrei phi laioh ka jingisynei dakata ka jingbym kohnguh jong ki (Israel) kumjuh ruh ia kita (Israel) mynta ki lalong ki bym kohnguh, bad da kata ka jingleh isynei kaba shaphi , yn ioh leh isynei kein ia ki ruh (ia ki Israel). Rome 11:31.

Kumba ladep isynei ia ki Jentil, yn isynei ia ki Jiw( Israel) ruh da kata ka juh ka jingisynei U Blei un map ia ka pop ki Israel kein da kaba u Blei u la Kular da kaba ong – “Ynda ngan kit noh ia ki pop jong ki.” Rome 11:27. Haba ngi peit bad bishar bniah ia ki jingiaid ka por bad ki jingjia kiba jia mynta ha sawdong pyrthei, ngi iohi ba la pynjan ia kine kiei kiei baroh sha kaba kut. U Blei un map ia ka pop ki Israel bad ynda ka jingjied (election) na kabynta ki 1, 44000 ngut ki Israel, ban shonshap halor jong ki. Ka ktien u Blei ka ong, ha kata ka por kein, U Blei un theh buk buk halor ka Iing u David halor ki nong Jerusalem, ka mynsiem ka jingaiei bad jingkyrpad kin khmih ha u Jisu ia uba ki la sum (la sahnarphna) kin ia iam briew ia u Jisu (Messaiah) kumba uno uno u iam briew ia la u khun marwei,,…… hakata ka sngi kan long ka iam briew kaba khraw ha jerusalem. Sekharaiah 12:10.

Kane kanjia ynda u Jisu un wan hiar na bneng halor u lum ki olib ha pyrshah Jerusalem. Sekhareiah 14:4.

Ki dak mynta ki kdew ba kata ka por ka long hajan, U Blei u isynei ia ki Jentil u isynei ruh ia ki Israel – u Blei u isynei ia baroh. AMEN.