U Bankhraw u kyrtong ka KHNAM na Laban-Mawprem

Shillong, 28’lyngkot:
Ka KHNAM mynta ka sngi ka la pynbna ia u kyrtong jong ka u ban ia khun na Laban-Maw prem Kon stitwensi ha ka elek shon shiteng samoi ka ban wan.
La pynbna ia ka kyrteng jong u kyrtong jong ka ha ka jingialang kaba la long mynta ka miet ha Communitty Hall jong ka Lawsohtun-block-V.
U kyrtong jong ka KHNAM u bah ia khun ha katei ka elekshon shiteng samoi u dei u bah Bankhraw Kharbuli uba shong ba sah ha Lawsohtun. U bah Bankhraw u dei uba trei hapoh ka tnad Fisheries ka sorkar hynrei u la shongthait noh na ka kam jong u da kaba shim VRS.
Haba ia kren bad u Working President ka KHNAM u bah Adelbert Nongrum u la ong ba u bah Bankhraw um shym la dei u dkhot jong ka KHNAM hynrei u dei u briew uba ju ia don ryngkat bad ka KHNAM na ka por sha ka por ha ki jingpyntyllun jong ka ia ki kam. U bah Adelbert u la ong ruh ba ka jingjied ia u bah Bankhraw kum u kyrtong ka KHNAM ka dei hadien ba ka KHNAM ka la bishar bniah ia u bad u la ong ba u dei u briew uba don ia ka nongrim.
“Ka KHNAM ka kwah ba ki briew jong ka kin dei kiba iai neh ha ka nongrim” ong u bah Adelbert Nongrum haba ia kren mynta ka miet lyngba ka phone. Lah ban kdew ba ka Laban –Mawprem Konstitwensi mynta kam don MDC shuh hadien ka jingrisaiñ noh u bah Sanbor Shullai na katei ka kam hadien ba ka sorkar ka la pyntreikam ia ka Prevention of Disqualification of MLA Act, 2015.