Shillong:U kyrtong monlang ka shatri Regional Democratic Alliance (RDA) jong ka United Democratic Party (UDP), u bah Robertjune Kharjahrin, ula kynnoh ba u MP ka Congress na Shillong Parliamentary konstitwensi u bah Vincent H Pala u dei uba ieng pyrshah ia ka jingdawa ia ka Inner Line Permit (ILP) ha Meghalaya.
Haba kren mynhynnin ka sngi, u bah Robertjune u la ong ba ka daw ba ka jylla Meghalaya kam ioh ia ka ILP, ka lah ban dei ruh na ka daw ba u MP na kane ka jylla u pyrshah ia ka. “Phi la iohi ia u bah Vincent H Pala uba ju kren khah khah pyrshah ia ka jingpyntreikam ia ka ILP ha ka jylla”, la ong u bah Rfobertjune. U la phah ia ka khubor sha ki paidbah ka Khasi-Jaintia bad ka jylla, ba lada ki kwah ban ioh ia ka ILP, ki dei ban jied ia u kyrtong uba kwah shispah percent.
Ka udp ka mut u dieng pyngkiang ka jaitbynriew, phi lah dei ban kyrshan ia u kyrtong ka vpp hynrei phi kah syrngiew ia ki khlur ka bri hynniew trip.