Shillong:U nongaibuit ka United Democratic Party (UDP) u bah Bindo M Lanong, u la ong ba ka long ka ba sngewsih ban iohi ia ki nongialam ka National People Party (NPP) ba kim sngewthuh ia ka jingshyrkhei lada wan ka synshar President rule ha ka jylla bad imat kane ka long na mar ba kine ki nong ialam ka NPP kim pat da slem ha ka kam sainpyrthei.
Ha ba ia kren bad ki lad pathai khubor na ka liang u bah lanong u la ong “Kam ju don kano kano ruh ka sorkar kaba lah ban ong ba ngi lah lut, ngi stad lut, ngi tip lut kat kaba don bad ka jingtam ka jingduna shane shatei ka lah ban don hangne hangtei, hynrei haba ngi kdew ia kum kita kiei kiei kam mut ba ngin phet noh na ka sorkar bad ngi ai jingmut ban pynbha shuh shuh bad ban kham pynbha shuh shuh”.
“Haba ngi ia kdew ia kine don kiba buh jingkylli ia ngi ba balei phim phet noh, namar ka sorkar ka leh ia kata kata ha ka ba ngi la jubab ba haba ngi la don ryngkat bad ka sorkar ba la ialam da u Conrad K Sangma bad u Bah Prestone Tynsong, ngi la ai jingmut ban pynbha nangne nangtei bad lada ngi ieh noh bad lada wan ka president rule kan ym bha ia ka jylla da leilei ruh”u la pynshai.
U bah Lanong u la ong ruh “Na ka liang jong nga shimet, nga ong ba dang lah ka jingtlot ka jingduna jong u Conrad K Sangma bad u bah Prestone Tynsong ban ia ka jingshah synshar president rule bad ha u Modi” .
“U bah Prestone imat um pat sngewthuh than ia kane namar ba um pat dap 20 snem ha ka kam sainpyrthei, bad namar ba um pat iohi kumno ka long lada wan ka president Rule, hynrei nga la iohi bun kiei kiei bad nga la iohi lut ha ki wei ki jylla kiba ngat hapoh ka synshar president rule ka long kumno”la bynrap u bah Lanong.
“Lada yn don ka president rule tang shisngi ka rel ka la poi, ka jingiathew khyndew, ka bym dei ka ktien jong ngi ruh hap ban ia kren bad kiwei kiwei ki ba shyrkhei kin jia bad lada ym don ka sorkar lajong tang hapoh laibnai ka jylla ka la kut kumta ngi dang lah ka sorkar jylla”u la ong.
U bah Bindo u la ong “Haba ngi kdew ia ka jingduna, ki kylli pynban balei kim mih noh na ka sorkar bad kane ka long ka ba sngewsih ban iohi ba kim sngewthuh, hynrei na ka liang jong nga nga la ong ba nga dang lah ia u Conrad K Sangma bad ia u bah Prestone Tynsong ha pdeng ka jingduna jong ki, ban ia ka jingshah synshar president rule ha ka jylla”.
Hynrei nang lah u tynsong bn iu bindo ka udp Kan sa khylliap lama lada dang Don u bindo Tymmen