Shillong:Hadien ka jingleit pyniasoh jong U Bah SK Sun, kum u Associate Member jong ka seng UDP, ki la don kiba kynthoh, ba ka long beain bad ba ka don ka lad ban ujor pyrshah ia U bah Sun ha Kashari, namar ba ula pyniasoh ialade sha kawei pat ka seng, kaba um shym la jop elekshon.
U bah Charles Pyngrope, lamphang dorbar barim jong ka Meghalaya, u ong ba ki dkhot ki lah ban associate, hynrei kin iai neh ban long ki Independent haduh ban da kut ka por trei kam jongki. “Ka jing pyniasoh ka long tang ban kham pynskhem ia ka jingiadei, lada mih biang ruh ym lah ban leh eiei” ong U bah Charles MLA jong ka Nongthymmai.
U Bah Pyngrope, u iathuh ba U Bah Sun, ula shu pyntip sha U President jong ka seng UDP, ba un dei u associate member, hynrei, ha iing dorbar, yn iai ithuh ia u, ba un long u dkhot shimet bad ia mynta ka long ba un don noh ka jing ia shah jongu sha ka liang ba don bad ka sorkar. Haba la kylli, ba lada jia ba U bah Sun, un rung ban long myntri sorkar, la ong U bah Charles, ba u lah ban long u myntri sorkar “Tangba un iai neh hi kum u myntri Independent”.