Shillong:Mynhynnin ka sngi, u Lamphang ka ïing dorbar thawain ka jylla, u Thomas A Sangma u la pynmih ia ka rai ban ithuh ia u bah Ronnie V Lyngdoh u MLA ka Congress na Mylliem kum u nongialam ka liangpyrshah hapoh ka iing dorbar thawain.
Ka Congress ka don 5 ngut ki MLA ha ka iing dorbar kaba don 60 ngut ki MLA bad kumjuh ka TMC ka don 5 ngut ki MLA hynrei na ka liang u Lamphang u la jied na ka Congress ban shim ia kane ka shuki.
Lah ban kdew ba kham mynshwa, u bah Ronnie, u la ong ba ka Congress ka don ka nongrim ban ioh ia kane ka shuki nongialam liangpyrshah namar ba ka dei ka national party bad kaba heh duh ha ka ri India.
Ki seng sain pyrthei kiba don ha ka liangpyrshah ki long ka Congress 5, TMC 5 bad ka VPP 4 ngut ki MLA. Katba ka liangsynshar kaba ialam ka NPP ki don 28 ngut, UDP 11, BJP 2, HSPDP 2 bad MLA shimet 2 ngut.
Congratulations bah R V Lyngdoh nga ngeit bad shaniah ha phi ba phin ialam ia ka jaitbynriew kumjuh ia ka State baroh kawei
ka jingkhublei kaba kyrpang ka lei sha baroh kiba la jied ia u kum u briew uba shemphang bad iar jingmut jingpyrkhat
To U Blei ka jingsuk un iai don ryngkat bad phi ba phin dang lah ban pyntyllun ia ki kam baroh