U Bah PS Dkhar, U DC ka EKH

Shillong, 10 Naitung:  
U Bah Peter S Dkhar u la shimti kum u Deputy Commissioner ka East Khasi Hills hynne ka sngi na u Sanjay Goyal.
Shwa ban shimti kum u DC ka East Khasi Hills, u Bah Dkhar u bat kum u Deputy Commissio ner ka West Jaintia Hills.
“Ngan shimti ia ka jingkitkhlieh ba thym mai”, la ong u Goyal uban long kum u Commissioner ka Taxe.
U Goyal u bat ruh kum u  Managing Director ka MCCL.
U SDO ka Mairang u Arun Kembhavi un mih bujli kum u DC ka West Jaintia Hills ha jaka u Bah Dkhar katba u Goyal u la kiew kyrdan kum u Secretary ka Finance  bad kum u Commissioner (Tax).
Lah ban kdew ba ki sengbhalang na Jaintia Hills ki la pynpaw ia ka jingkwah ban pynneh ia u Bah Dkhar kum u DC namar ba u dei uba trei hok bad peit bha ia ka district hynrei na ka liang ka sorkar kam shym la shah shkor bad ka la pyn kynriah ia u Bah Dkhar.