U Bah Prestone u thmu pyniapher niam, ong ka BJP

Shillong, 16 Risaw:
Ka BJP ka la pynrem jur ia ka jingkren jong u MLA ka Congress u Bah Prestone Tynsong uba la ong ba ka jylla Meghalaya kaba dei ka jylla ba bun ki Khristan kim pdiang ia ka BJP.
Ha ka jingialang jong ka BJP Mawkynrew Mandal ha kane ka sngi Saitjain, ka la pynrem jur ia kane ka jingkren pynshit niam u Bah Prestone kaba la paw ha kawei ka lad pathai khubor, bad ka la ong ba ka jingiakren jong u la sngewthuh shai ba ki nongialam Congress ki thmu ban ialam bakla ia u paidbah ka jylla da kaba wanrah da ka jingsngew pherniam bad ban pyniapait iapra ia ka jaidbynriew.
U Bah Egenstar Kurkalang u President ka BJYM Meghalaya, u la ong ‘Dei ban sngewthuh ba ki samla ka juk mynta kim dei shuh ki ba biej ki la ngiah ia ka rukom treikam kine ki nongsynshar bad nongialam ba mynta ba lap miet tang ka iadait, iashrut iaknieh shuki bad wanrah jingiapait ha ka jaid bynriew kum ki jingsngew niam’.
U la ong ba da lei lei ruh ki samla kim dei shuh ban sngap ia kum kine ki buit pynthame, bad ‘ngin ym ailad iaka politik sngewpher niam’.
U la ong ka BJP bad ki samla ki dei ban ieng tylli ban iatreilang ban wanrah ia ka roi ka par bad ban rat diengkhong ia ka bamsap bampong namar ba kumba long mynta ki paidbah ki la ngiah ia ka party Congress kaba la buh iaka jylla haka jingeh bad jing dap ram ha man ki bynta sa tang ka bamsap suda ym don lawei iaki samla bad iaka jylla.
“Ngi lah iohi ia ka jingiapher ia ka rukom treikam ka sorkar NDA hapoh ka jingialam u Prime Minister u Narendra Modi, tang lai snem duna ka jingkylla ba radbah ka wan ha ka ri India baroh, katba ha ki snem ba mynshuwa hapoh ka jingsynshar ka Congress da ki phew snem ki bat ha ka bor bun sa tang ka bam sap suda”, u la ong bad bynrap, ki paidbah mynta wat shaduh nong kyndong ki lah sngewthuh ia kane ki la phai khmat sha ka party BJP khnang ban wanrah noh iaka jingkylla haka jylla Meghalaya ruh.
Ha kane ka sngi la iadon ryngkat lang u Vice President ka BJYM East Khasi Hills District, u State Secretary BJYM Samla Joey Khonghat, u Manoj Gour bad kiwei kiwei de ki nongialam la pynskhem ia
U Youth President ka Mawkynrew BJP Mandal ia u Samla Mlenkir Suting u ba long ruh State Player Karate jong ka All Meghalaya Karate Do Association.