U Bah Mawphniang u shu wan riehtngen ha UDP

Shillong, 06 Naiwieng:
Ka UDP ka la ong ba ka jingleit iasoh BJP jong u Bah Field Marshal Mawphniang da kaba kam ba u dei u nongialam ka UDP, kam dei satia namar ba u la shu wan ban riehtngen shipor bad ka UDP hadien ba la shah beh ha ka Congress. Haba pynlait khubor ha kane ka sngi u Blei, u Bah Rayonald Kharkamni u Secretary ka UDP, u la ong ba ka UDP ka sngew sammut ban iohi ha ki lad pathai khubor ba u Bah Mawphniang u la kam ba dei u nongialam ka UDP.
“Ka jingshisha ka long ba u Bah Mawphniang u la dei kum ka bor kaba khlem don eiei shuh ba la shah beh ha ka Congress bad kham hadien u la shu wan riehtngen ha ka UDP ha u snem 2012”, la ong u Bah Kharkamni. “Kum u politishian uba la phiel na ka Congress, um shym la ioh ia ka jingkyrshan jong ka UDP kaba la pynlong ia u ban leit kyrshan ia uwei u kyrtong ha ka MP elekshon ha u 2014 khlem da iaid katkum ki kyndon ka party’ u la ong.
Halor kane, ka UDP Ri Bhoi District ka la kyntait ia ka jingkam jong u Bah Mawphniang kum u dkhot ka UDP namar ba ka la dep weng ia u naduh u Lber 2014, la bynrap u Bah Kharkamni.
lah ban kdew ba u Bah Mawphniang u la iasoh bad ka BJP ha kane ka sngi Saitjain ha ka jingdonlang u nongialam ka BJP na sengkmie u Nalin Kohli.