U Bah Jrun, U Rangbah Shnong Lawmei

Shillong, 13 Jymmang:
U  Bah Jrun sing Lyngdoh u la shah jied kum rangbah shnong ba pura ka shnong Lawmei Pdengshnong, East Khasi Hills.
U la pynliem ia u Bah BE Mylliem Umlong da 49 vote kaba la long ha ka 9 tarik mynta u bnai.
Ia kane ka elekshon la pyniaid da u Syiem khynnah ka Hima Mylliem ryngkat bad u Myntri Kharsati, u Myntri Kharbuki bad ki nongpeit pyrman na ophis jong ka District Council. U Bah jrun Sing Lyngdoh ula ioh 99 vote katba u Bah B.E Mylliem Umlong uba long ruh rangbah shnong barim uba ioh 50 vote.
Katkum ka khubor ba la ioh lum la ithuh ba ia katei ka elekshon ban jied rangbah shnong la pynlong katkum ka hukum jong ka iing bishar jong ka High Court Meghalaya, Shillong hadien ba katei ka kam ka la sah teng la bun bun bnai kaba la wanrah ruh ia ka jinghuri hura hapoh shnong poh thaw kaba la pynlong ia ki paidbah ban ujor sha ka iing bishar jong ka High Court ha Shillong.
La kynnoh ba ka huri hura ha katei ka shnong ka la mih na ka daw ka jingshim kabu ki politishan kiba kwah myntoi ia lade watla ki paidbah nongshong shnong ki la pynpaw ba ki la duh ka jingshaniah ia u rangbah shnong barim.