Shillong 13 Iaiong:
“Ngi tip ba baroh u Bah JJM Nichols Roy ne u Bah James Joy Mohon Nichols Roy ne uba ju khot ieid da u Bah Joy, u dei uwei na ki nongpyn wandur jong ka Sixth Scheduled kaba la pynmih ia ki Autonomous District Council da ka jingthmu ban iada ia ka khyndew ka shyiap, ki riti dustur jong ki riewlum rit paid kiba sah ha kane ka thain’, la ong u Bah Micheal N Syiem u nongialam ka Maitsha phrang Movement.
Ha ka jingpynlait khubor mynta ka sngi, u Bah Syiem u la ong ba u kwah ban pynpaw paidbah ba la kha ia u Bah Joy ha 12 tarik Jylliew, 1884. U kpa jongu, u dei u Kha jendra Mohon Roy (thoh Roi ha ka por mynshwa) bad ka kmie ka dei ka Rimai Syiemlieh. U Bah Joy u dei u pyrsa ksiew jong u Syiem Tirot Sing.
Katkum ka jingong u Bah Syiem, ka lok jong u Bah Joy ka dei ka Nora Evalyn Nichols bad la kha ia ka ha 27 tarik, Iaiong, 1879 ha Idaho ha USA (Amerika).
Ki la iathoh shongkurim ha ka 17 tarik, Nailar 1907 bad hadien kane, la tip ia ki kum u James Joy Mohon Nichols Roy bad ka Nora Evalyn Nichols Roy.
U khun jongki, u Bah Stanley Nichols Roy u MLA barim ka jylla uba la khlad noh, u la shim jait na u kpa.
U khun ksiew jong u Bah JJM Nichols Roy ne u khun jong u Bah Stanley Nichols Roy, u David, ma u ruh u ai jait Nichols Roy bad kumjuh ruh ki khun jong David mynta.
Ia u motdur jong u Bah JJM Nichols Roy la pynieng ha phyllaw jong ka KHADC, Shillong. “ Ha kaba iadei bad kane ka phang, nga kwah ban iasam lem bad ki paidbah ba u Bah Joy u shim jait na u kpa”, la ong u Bah Syiem.
Nga kwah ban tip shaphang ka jingim jong u
Hei rupang da watbniah shuwa u bah Joy u klem Ai jait kpa hynrei i Ai jait mynkmie kane ka khubor ka ialam bakla ho nga ngam pdiang kum iaka ne
Ka menkmie jong u dei jait Nichols, pule bha
Ka lun u dei jait syiemlieh me lun,,, ka mut u donkupar roy u dei u jait roy? Ka mut u syiem tirot sing, u dei u jait sing? Ka mut u radhon sing berry, u dei u jait berry? Lah biej duh une u ingkhong shalang mat👎👎👎 synei ki jaitkpa shu ksan madei tang ban lah ei khlem Nongrim 😂😂