U bah JJ Sawian uba ai jaka ia u Dilip ha Majai

Shillong, 16 Rymphang:
U Syiem ka hima Sohra u la phah ia ka jingpynshai sha ki kotkhu bor halor ka jingjia ha Majai kaba la ai jaka da ka kot pata ne ka kot ai bor jaka da ka hima Sohra ia uwei u bar jylla uba la tip kyrteng kum u Dilip Biswas bad ka lok jong u ka Shaya Biswas ha ka shnong Kurikhal. Hadien ba la mih ha ki kotkhubor u Syiem ka Hima Sohra u la pynshai ba ia katei ka jaka ym dei ba ai ka hima hynrei dei ka jingai u bah J.J Sawian u incharge ka tnad khlaw ka hima Sohra ryngkat bad u Rangbah Shnong ka Kurikhal uba la khlad noh u bah Pynsuk Tymmenniang da kaba ia shim pisa T.5000 tyngka na kitei ki bar jylla.