Shillong: Ka jingai khubor u Dr.Jemino Mawthoh General Secretary UDP sha ki press halor ka ding ilektrik (Power) la sngewthuh bakla lane la pynkyllain ban ialam bakla da kito kiba pyrshah ia ki khubor u Dr.Jemino, ong U bah BM Lanong, Chief Adviser ka seng UDP.
“U Dr. Jemino u khlem ong ban weng noh ia u Power Minister, hynrei ia ka kam power, na u Minister khnang ba u Chief Minister un iohlad pat kumno ban pynbeit ia ki huri-hura hapoh kane ka tnat ilektrik (power), namar ka NEEPCO ka la byrngem paidbah ban ot noh ia ka jingai ding ilektrik ha ka jylla baroh kawei. La paw pyrthei ruh sa ia kata ka jingthied ia kita ki smart Meter ha ka dor kaba heh bun shah ban ia ka dor shisha, da ka jingthmu iakhai nar” ong U bah Bindo.
Nalorkata ka jingpynkylla lane bujli Minister kam dei kaba leh khyllah, hynrei ju bujli ia ki Minister ruh, ia ki kam ba ki bat ruh, wat ha ka sorkar Delhi bad kylleng ha ki jylla.
“Ka jingai jingmut u Dr.Jemino kam dei ka jingleh jong u shimet, hynrei la iasyllok lang bad ki nongialam ka seng UDP, haba la iohsngew ia ka jinglynniar ki paidbah, khamtam ia ka jingbyrngem ot ding ka NEEPCO, da ka jingthmu ban pynbeit ia kine ki kam huri-hura” pynkut ka kyrwoh U bah BM Lanong, Chief Adviser UDP.
lano mo ngin ioh ki MLA / MDC kiba don ka bor pyrkhat ba rangbah ?
Tang 36 tylli ki constituency ruh kim lah ban iatylli mlon kum kawei. Imat baroh baroh ki kwah tang ban shu shong ha ka shuki lane kyrdan nongialam khlem da don ka rynieng ka ryniot, khlem da don ka jingsngewthuh ia ka jingkitkhlieh kaba don bad ka shuki/kyrdan ba la shaniah ha ki.
Hato ki don por mo ban iit ialade, ban da thew da woh ia ka ktien ba ki kren bad ka kam ba ki leh?
Ngi kam ialade ba ngi dei ka jaidbynriew tip kur tip kha, tip briew tip blei. Kane baroh ka shu dei tang ka jingpyrkhat sngewsarong jong ki briew kiba dang lung hor hor ha ka pyrkhat ka pyrdain.
kaba ngi lah ban leh ka long tang ban shu pynher ki jingduwai sha U Blei Trai Kynrad, u Nongbuh U nongthaw bad U Nongpynim. Lait na kata ym don lad da kumwei.
khublei.