U Bah Hek um lah ban kam lypa ïa ka shuki MR, ong U bah Sanbor

Shillong:U nongïalam ka BJP bad kyrtong na South Shillong Bah Sanbor Shullai, ula kynthoh jur ïa la u jong u paralok ba ïatrei lang bad kyrtong ka BJP na Pynthorumkhrah Bah A.L. Hek, ba um lah satia ban kam ba un long u Myntri Rang bah ka Jylla lada ka BJP ka ïoh ban synshar ïa ka Jylla hadien ka ilekshon MLA-2023.

U Bah Sanbor ula pynpaw ïa kane hadien ka jingthep kyrteng kum u kyr tong ka BJP na South Shillong con stituency, mynta ka sngi nyng kong. Ïa u Bah Sanbor la synran da ki nong ïalam na kylleng ki jaka ka constituency ha ryng kat ki nong kyrshan.
“Um (Hek) lah ban ong kumta, kane ka dei kaba bakla palat, um lah ban ong ba un long u Myntri Rangbah lane ba ma nga ngan long u Myntri Rangbah. Kane ka dei kaba bakla shibun,” ong u Bah Sanbor.

U Bah Sanbor ula ong ba ka BJP ka dei ka National Party bad ïa baroh kiei kiei la shim rai da ka Nongïalam ka Party (High Command) na Delhi.
Ki khubor hamsaïa kila saphriang kylleng ki jaka ba ki nongïalam ka BJP kila buh hakhmat ïa u dkhot ba dang shu rung thymmai bad kyrtong ka Mawsynram Bah Himalaya Shangpliang kum u Myntri Rangbah lada wan ha ka bor. La ïoh jingtip ba u Himanta Biswa Sarma, un wan synran ïa u Bah Himalaya ha ka jingthep kyrteng lashai ka sngi ba-ar.