U Bah Heading bad U Eugene, ha ka khusnam Meghalaya

Shillong 20 K’lyngkot:
Ka jingialang jong ka kynhun myntri mynta ka sngi ka la pdiang ia ki kyrteng jong ki briew ban ioh ia ki khusnam bapher bapher katkum ka jing phah bad ai jingmut ka Advisory Committee for Meghalaya Day Awards.
Napdeng ki nongioh khusnam ba la shah jied, u Bah Headingson Rynta thiang la jied ba un ioh ia ka khusnam u U Tirot Singh Syiem Award, u Pastor Frithing D Sangma ia ka khusnam Pa Togan Nengminza Award bad u Eugeneson Lyngdoh ia ka U Kiang Nangbah Award.
Ia u nongialehkai kynjatbol ba paw ka ri u Eugeneson Lyngdoh la jied ba un ioh khusnam Meghalaya Day Awards na ka bynta ka jingnoh synniang jongu ha ka jingialehkai ha ka ri.
Ia u Bah Ryntathiang u kaitor ba pawnam ka jaitbynriew, la jied ba un ioh pdiang ia kane ka khusnam U Tirot Sing Syiem na ka bynta ka jingnoh synniang jongu ha ka rwai ka siaw bad ka thoh ka tar.
Katba ia u Pastor Sangma la jied ba un ioh pdiang ia kane ka khusnam na ka bynta ki kam ban noh synniang sha ka imlang sahlang.