U Bah Haland Kharngi kum Rangbah Shnong ka Sohlaitrim

Nongpoh, 25 Jymmang:
Ka Shnong Soh laitrim, Ri Bhoi District, mynha ka sngi Saitjain ba la dep ka la pynlong biang ia ka Dorbar Shnong na ka bynta ban thymmai ia ki nongialam ka shnong naduh u Rangbah shnong, Secretary Shnong lem bad ki dkhot ka Executive Members.
Ha katei ka jingjied ia ki nongialam Shnong la wan shim bynta da rang bah jong ka shnong Sohlaitrim bad ha katei ka sngi ki la pynlong da ka jingialang na ka bynta ban jied ia ki nongialam ba thymmai ka Shnong.
Ha ka jingjied kaba la iashim bynta tang ki rangbah, ki don ar ngut ki kyrtong kiba la iakhun na ka bynta ban ioh Rangbah Shnong ba kynthup ia u Bah Haland Kharngi, Rangbah Shnong barim bad u Bah Askenas Lapang, Secretary Shnong barim.
Ha ka jingjied paidbah kaba la pynlong da ka jingthep vote, ki paidbah sa shisien ki la ibit biang ban jied ia u Bah Haland Kharngi, uba dei ruh u Rangbah Shnong barim, katba u Bah Askenas Lapang, uba la shah rem noh kum u kyrtong rangbah Shnong ki la jied ia u kum u Secretary Shnong.
Ha katei ka sngi hadien ba la dep ka jingjied ia u rangbah shnong bad secretary Shnong, ka shnong Sohlaitrim ka la lah ruh ban jied ia ki 11 ngut ki dkhot ka executive member, khnang ba kin nanglah ban wanrah ia ka bha ka mait bad ka roi ka par ha ka shnong Sohlaitrim.