Shillong: U Director General of Police u R Chandranathan, u la ong ba ki pulit ki don jingthmu tang ban leit ban kem ia u bah Cheristerfield Thangkhiew, hynrei ka jingmih ka jingia siat ka long namar ba ka la don ka jingialeh pyrshah bad ba u thmu ban dung ia uwei na ki pulit langrut bad ban iada ialade ki pulit ki la siat ia u.
Haba ia kren bad ki lad pathai khubor u R Chandranathan u la ong ba hadien ba ki pulit ki la ioh ia ki sakhi sabut ba thikna ba u bah Cheristerfield Thangkhiew u don kti ha ka jingjia pynbthei IED ha Laitumkhrah bad ka jingpynbthei ha Khliehriat.
“Ha ka jingtohkit jong ki pulit, la lap shibun ki sabut sakhi ki ba pynpaw shai ba u bah Thangkhiew u donkti ha ka jingpynbthei IED ha Khliehriat bad ha Laitumkhrah bad halor kane ka nongrim ba ki pulit jong ka East Jaintia Hill bad ki pulit ka East Khasi Hill mynne mynstep ki la leit ban kem ia u.
U la iathuh ba ia u bah Thangkhiew u la dei kuli ha ki bynta jong ka kpoh bad u la khlad noh na ka jingmynsaw ha ka por ba ki la rah ia u sha Civil Hospital.
Ki pulit ki la ioh kurup ia ka tari, ka pistol bad ia kiwei kiwei ki tiar ha kaba ia kane ka case la register ha Mawlai Police Station 39821 under section 353/506/307 IPC bad ka jingtohkit ka dang iaid sha khmat.
Ki dei ban prove ia Kita ki tiar ba ki shem tang shu ong ngim pdiang bat lada u don kti ha IED ruh ym dei Ka hok jong ki police ban pyniap hap ban leh case study shuwa sa buh jingkylli ia ki police ban prove ia Kita ki tiar ha ki media.