U bah Adelbert Nongrum, u dang dei u dkhot jong ka sorkar MDA:Lambor

Shillong: U Chairman jong ka Meghalya State Planning Board, u bah Lambor Malngiang, u la ong ba u bah Adelbert Nongrum u MLA jong ka North Shillong, u dang dei hi u dkhot jong ka Meghalaya Democratic Alliance (MDA).

Haba iakren bad ki lad pathai khubor u bah Lambor, u la ong ba ka jing kren jong u Symbud Myntri rangbah u bah Prestone Tynsong ka long ka jingsngew jong u marwei bad kam dei jong ka MDA baroh kawei. U la ong ruh halor ka rai jong u bah Adelbert Nongrum ba um shem la leit ban thep vote ban jied ia u kyrtong na ka bynta MP ha Rajya Sabbha, u la ong ba kane ka dei ka synshar paidbah ha kaba u ne ka u don la ka hok ban pynpaw ia la ka jong ka jingsngew bad yn ym don ba lah ban khang ia kata.

U la iathuh ruh ba na ka liang jong u bah Lambor, kum u nongialam jong ka United Progressive Forum u la leit ban ia kynduh ia u bah Adelbert u ba long u dkhot ka UPF halor kane ka bynta bad haba u la pynpaw ia la ka jingsngew, kumta ka UPF ka burom ia ka rai jong u.